Mga miyembro sa Smokey Mountain nag-reunion

CEBU, Philippines — Nagkita og balik  ang  pipila ka mga miyembro sa  grupong  Smokey Mountain niadtong Martes sa gabii.

Nitambong sa maong reunion dinner sila si Geneva Cruz, Jeffrey Hidalgo, Tony Lambino, James Coronel. ug Shar Santos  Silonga.

Kahinumdoman nga ang  maong iconic youth music group kay giporma kaniadto sa  National Artist for Music nga si  Ryan Cayabyab. Ang Smokey Mountain maoy nagpasikat sa awit nga “Paraiso”.

43rd Cebu Popular Music Festival

Ipalanog na   ugma  ang mga lig-ong huni  nga dunay makahuloganon nga mga ,mensahe.

Mao kini ang song  finalists sa 43rd   Cebu Popular  Music Festival  nga pagahimoon diha sa  University of the  Visayas Gym sa   Sanciangko Street , Dakbayan sa Sugbo , ugma Enero 17, 2025 ,  sa alas 7:30 sa gabii.

Naandan na  kini nga   tinuig nga halad sa kanhi Amahan sa Talisay City ug sa unang distrito sa  Sugbo nga si  Atty. Eduardo  Gullas inubanan sa The New  Cebu Arts Foundation, Inc.

Ang pag-umol niya og Cebu Pop kay mao ang iyang pamaagi sa pagpadayag sa iyang dakong gugma ngadto sa Balaang Bata nga si Senor Santo Niño ug agig pag-abag usab sa paglambo pa og maayo  sa Sugbuanong musika.

Alang sa  Young Songwriters Category , ang finalists  kay naglangkob sa  Batan-ong Sugbuanon (Nicholas Berlin Ygot Yu ug Jennifer Milloria Ygot) ,  Sobra Ra, Sobra Na ( Eunice Lyza Lasola ug Chalres Laspinas) , Payag (Elfred Entritcho) , Sugdan Ta (Karl Frenz Otida). Ikaw Ang Pangandoy (Andre Brew Fuentes ug Paris Christian Roco)  ug Ikaw Ra Man ( Gil  Florenz Sastre) ug Keanne Gabriel Jerusalem) .

Samtang sa Love Song Category, gilangkoban kini sa  Char-Char Lang Usa Ta (Mateo Barulo Jr.),  Dili Ko Ka Move On (Roy Maisog Nacario) , Gugma Ngano Ba ( Saint Anthon Madaya ug Mhara Esbra), Ika-duha (Paul Rosa) , Ikaw Ra (Ruby Grace Alinsob  Mercado) ug Tama Na, Ayaw Ko Pahilaka ( Fr. Lyndon Ruiz).

Special guests sa 43rd  Cebu Pop  karong gabii mao ang  UV Choir , UV Dance Troupe , ug Cebu Pop Band .Sila si Sam Costanilla ug   Apple Abarquez maoy hosts sa maong  kalihokan. 

Rufa Mae gihatagan og P1 million ni Willie

Gihatag  ni    Willie Revillame og P1 million   ang komedyantent aktres nga siRufa Mae Quinto isip hinabang  alang sa giatubang nga kaso niini.

Todo pasalamat  si Rufa Mae   ngadto kang Willie gumika sa kadako nga tabang niini. Sa niaging adlaw, nibisita ang aktres sa  programa  ni Willie nga Wil To Win sa TV5.

"Thanks for making me happy Willie And for the Help Help Hooray,” social media post ni Rufa Mae.

Nag-atubang si Rufa Mae og kasong 14 counts sa kalapasan sa  Section 8 sa  Securities Regulation Code.

Nakapiyansa na kini  og P1.7 million  sa niaging semana ug padayon ang  pagdungog sa kaso.

Regine moarte og balik

Gibutyag  ni   Regine Velasquez-Alcasid nga bukas siya  alang  sa iyang acting  comeback karong tuiga,  basta mauyonan lang gyud niya ang materyal nga ipresentar kaniya.

Gikatahong duna na’y pasiuna nga negosayon alang sa usa ka proyekto niya sa Viva   ug nagpaabot nalang siya sa aktuwal nga script.

Dul-an na sa  unom ka tuig nga  nakapahuway si Regine  sa pag-arte .

Sister BB

Malipayong gisaysay ni BB Gandanghari nga  giisip na siya nga “sister”  sa iyang igsoun nga si  Senador Robin Padilla .   Suma pa niya nga soud gyud sila nga  magsoun .“Ngayon ang relasyon ko kay Robin is brother and sister. Ramdam na ramdam ko ‘yan kapag kasama ko ‘yan. Kapag nasa pila kami, ‘ladies first.’ Nagpunta kami sa mosque sa Taiwan. Naka-hijab ako na pumasok doon bilang babae. Nare-recognize nila,” saysay pa ni BB sa interview niini sa  “Fast Talk with Boy Abunda”.

Jolina nawili sa Lavender Fields

Gibutyag ni Jolina Magdangal nga daghan gyud siya og nakat-onan sa  teleseryeng “Lavender Fields” busa gipasigarbo  gyud niya nga nahimo siya nga kabahin niini.  Pipila sa mga  nakat-onan niya mao  ang pagsagobang sa  gugma , kadasig ug ang pagdala sa emosyon.Dili usab niya  malimtan ang kaubanan niya nga mga  artista ug production team  sa maong teleserye  nga giisip na niya nga pamilya,

Senior VP

Gitudlo na sa GMA Network si  Nessa Valdellon isip  Senior Vice President for Public Affairs sugod kagahapon,  Enero  15, 2025. Si Valdellon maoy concurrent Executive Vice President sa GMA Pictures. Nagtrabaho si Valdellon  sa GMA sulod na sa 20 ka tuig ug nagsugod siya isip Program Manager   ug  pipila sa iyang gidumala kaniadto  kay ang  ‘Wish Ko Lang,’ ‘Extra Challenge,’ ‘Imbestigador,’ ug  ‘Survivor Philippines’ . Ang GMA Public Affairs maoy nagpaluyo sa mga programang "Kapuso Mo, Jessica Soho," "I-Witness," "The Atom Araullo Specials," “Reporter’s Notebook,” "Lolong," ug "Black Rider."