Regine, walang gustong I-reset sa totoong buhay

Walang gustong i-reset sa kanyang buhay si Asia’s Songbird Regine Velasquez.

Ito nga ang sinabi niya sa ginanap na media conference para sa kanyang Valentine concert na Reset na gaganapin sa Feb. 14 and 22, and Feb. 15 and 21, Samsung Performing Arts Theater in Circuit Makati.

“In the long run, we’ll realize that it’s not such a good idea that I don’t want to change because we make mistakes because we were supposed to learn from those mistakes. Nga­yon, if you keep making the same mistake, then that’s a whole different story, ‘no? But I think it’s okay lang tayong magkamali because we’re supposed to learn. How do we know, right? Paano natin malalaman kung happy tayo o ‘di pa tayo nakaka-experience kung paano maging malungkot? So I wouldn’t change anything because all those experiences make me who I am,” katwiran niya sa tanong namin para ikonek sa title ng kanyang concert.

Pero siya ba ‘yung tipo ng artist na pagkatapos ng concert, nire-review niya ang ginawa para makita kung may mali or kulang pala? “Constantly, yes. Kahit ‘yung mga three songs, three songs lang. I think most artists, karamihan sa aming mga singer, do that. We’re all perfectionists. Ako, ‘pag nagpe-perform ako, nire-rewind ko kung ano ‘yung ginawa ko. Or tapos ‘pag nakikita ko ‘yung video, minsan parang ayokong panoorin pero pipilitin ko para lang makita ko ‘ang chaka nyan.’ Ganon, pinipintasan mo ‘yung sarili mo. It is because we want to give our audience a more or less perfect concert or performance every single time. But we’re human beings; hindi kami robot na every concert pwedeng perfect.

“Walang ganun, eh. Kasi depende ‘yon sa kondisyon ng katawan mo, kung ano ‘yung estado mo, kasi kasama pati feelings kung ano ang estado mo as a person that time, naa-affect ang performance mo. So we aim for perfection, which we actually never achieve,” paliwanag niya.

Dagdag pa niya : “That’s why we constantly think about each, and we nitpick each and every performance. So para sa mga manonood na feeling mo ‘yung ang galing mo nang mag-nitpick, at gusto mong pintasan ‘yung performer na ‘yon, ta’s ini-nitpick mo lang ‘yung performance, believe me, bago mo pa ginawa ‘yan, 100x na namin na-nitpick ang isang performance. And the thing is, while you’re performing, you already know you made a mistake. Like ako, I can predict ko na kung kelan ako magkakamali but I still make a mistake because we’re human beings,” mahabang paliwanag pa ni Regine.

Nabanggit din niya sa nasabing presson na babalikan niya this year ang acting... movie or teleserye ang priority mo?

“Kahit ano. Like if I’m given the chance to have a project, I would be happy to consider it.”

Pero may idea ka kung anong role or meron ka bang mga mina-manifest na character?

“Kasi feeling ko mas nag-e-excel ako sa mga medyo comedy ng konti, ta’s may konting drama, mas ako do’n kesa ‘yung masyadong madrama. Kasi ‘pag binigyan ka naman ng script malalaman mo kung ano ‘yung character. I think I’m more of a character-driven kind of actor. Gusto ko yung medyo malayo sa character ko,” paliwanag niya.

Abala na si Regine ngayon sa paghahanda sa nasabing concert dahil “ngayon na medyo jonders (matanda) na ako, siyempre, kailangan, mas may preparation. Kasi iba na ‘yung katawan natin. Nag-iba na rin ‘yung boses mo.”

Ididirek ang Reset ni Paolo Valenciano.