Kylie ug non-showbiz bf nagbuwag?

CEBU, Philippines — Gisumsoman karon sa mga chismosa ang  makahuloganon nga mensahe sa Kapuso actress  nga si Kylie Padilla kalabot sa relasyon , ingon man ang pagka-single.

Suma pa sa aktres nga dili angayan ipamugos ang usa ka butang  kun pananglitan napakyas kini.

“I swear I’m not naive but I want my relationships to last forever, which is probably why I stay longer than I should. I just don’t want to accept failure. But never force something that has passed expiry date,” ni Kylie pa.

Niulbo karon ang mga pagduda nga nagbuwag na sila si Kylie ug ang iyang non-showbiz boyfriend.

Kahinumdoman nga sa niagung tuig, giangkon ni Kylie nga duna siya’y uyab nga dili  taga-showbiz. 

Paghigugma sa kaugalingon gituki sa bag-ong single ni Drei

Ang paghigugma sa kaugalingon   maoy pilion sa  Kapamilya artist nga si Drei Sugay ug mao kini ang gipatigbabaw  sa bag-o niyang gi-release nga kanta nga nag-ulohan og “Pano Naman Ako.”

Gikompleto sa iyang bag-ong komposisyon ang trilogy niya   sa mga awit nga "idk anymore" ug "Wag Na Lang" nga gipalanog sa niaging  tuig. 

Ang "idk anymore" kay mahitungod sa pagpangita og "sense of purpose" sa kalibutan samtang ang temela sa "Wag Na Lang" kay "right love".

Si Tommy Katigbak maoy nag-arrange sa “Pano Naman Ako”, samtang si Drei mismo ang nag-produce niini kauban ang StarPop label head nga si Roque “Rox” Santos.

Sa wala pa magsugod si Drei sa iyang karera isip singer-songwriter, nahimo siya nga kabahin sa "The Voice Teens" Season 2 ubos sa team ni Apl de Ap ug kabahin usab siya kaniadto  sa "Idol Philippines" Season 2. Nahimo siya nga bida  isip Fonzi sa "Tabing- Ilog: The Musical”  sa  PETA nga gipasundayag niadtong 2023 ug 2024. 

Madungog ang "Pano Naman Ako" sa  nagkalain-laing digital streaming platforms.

Nauyonan sa direktor

Gibutyag ni Direk Lopez Sineneng nga susama og  vibes nila ni Jolina Magdangal ug Marvin Agustin ang chemistry sa  Kapuso loveteam   nga sila si Sofia Pablo ug  Allen Ansay. Si Sineneng  ang direktor sa bag-ong Kapuso series nga Prinsesa Ng City Jail nga gibitoonan nila ni Sofia ug Allen. Siya usab ang nagsilbing direktor  kaniadto sa  hit romantic-comedy movies nila ni Jolina ug Marvin niadtong  ’90s  nga sama sa Flames: The Movie (1997), Labs Kita... Okey Ka Lang? (1998), ug  Kung Ayaw Mo, Huwag Mo (1998).

No comment

Wala mohatag og komento  si  Senador Sherwin Gatchalian kalabot sa niulbo nga report nga matud pa nagbuwag na sila sa beauty-queen actress nga si Bianca Manalo.  Una na nga nigawas ang chika nga matud pa taod-taod na nga wala makit-i nga nagkuyog ang duha, 

Nag-solo sa Malaysia

Gipasigarbo sa   K-pop superstar  nga si Sandara Park nga sa labing unang higayon, naka-perform na  siya isip solo artist   sa bag-ohay lang nga Acer's Asia Pacific Predator League 2025 nga gipahigayon sa  Malaysia International Trade and Exhibition Centre (MITEC) ."It feels so good to be back in Malaysia after eight years.  "First of all, I want to thank Acer and Asia Pacific Predator League 2025 for having me here tonight.This is special for me because it's my first time to perform in Malaysia as a solo artist," ni Sandara pa. 

Dolly nakasulod sa Gold List 2025

Laing kalamposan ang naangkon ni Dolly de Leon nga duna kalabotan sa maayo niya ang abilidad sa pag-arte.

Nalakip ang aktres sa  Gold House's Gold List: Film 2025  alang sa Best Performance in a Supporting Role alang sa pelikulang  Ghostlight. "Oh wow thank you!" , ang reaksyon ni Dolly sa iyang kadaogan.