Paulo may bantang ‘di tatapusin ang pelikula nila ni Kim?!

Tahimik pa ang Star Cinema pero maingay sa social media ang fans dahil sa pag-unfollow nina Paulo Avelino and Kim Chiu sa social media platforms ng nasabing production company.

Na-trigger ang issue nang mag-tweet si Paulo ng “Ma-experience nga na hindi tumapos ng pelikula.”

Ito ay matapos maglabas ng teaser ang SM Cinemas na sa April pa raw ang showing ng pelikula nilang My Love Will Make You Disappear. Nauna nang nai-press release na Valentine presentation ito ng Star Cinema.

Bukod sa trending ang Star Cinema, trending din ang ‘Kim deserves respect.’

Sentimyento ng fans, ba’t ganun, hindi sila (KimPau) aware na may ganung pangyayari samantalang minadali raw ito ng kanilang idolo.

May iba namang opinion, malamang daw na kailangan pang ayusin ang pelikula at baka raw nung pinanood ng mga bossing ng Star Cinema ay nakulangan sila.

May nagsasabi rin namang baka strategy lang ito para umingay pa ang My Love Will Make You Disappear.

Well, anyway, ba’t naman kailangang may mag-unfollow. Hindi raw nila kilalang ganun si Kim, naimpluwensyahan na raw kaya siya ni Paulo?