Rufa Mae naka-piyansa og P1.7 milyon

CEBU, Philippines — Nakapiyansa na og P1.7 million  kagahapon ang  komedyanteng aktres  nga si Rufa Mae Quinto . Giubanan  ang aktres sa mga tinugyanan sa National Bureau of Investigation alang sa iyang pagpiyansa. Nag-atubang si Rufa Mae og kasong 14 counts sa kalapasan sa  Section 8 sa  Securities Regulation Code.

Kahinumdoman  nga niisyu ang  Pasay RTC og  arrest warrant batok kang Rufa Mae   sa niaging tuig   human lakip kini sa gikiha sa    investors sa usa ka  skincare company Dermacare.

Boluntaryo nga ni-surrender si Rufa Mae  sa NBI niadtong Miyerkules sa dihang  nakabalik na kini sa Pilipinas gikan sa iyang paglarga  sa Amerika. 

Paglugwa ni Kai sa ‘Saving Grace’ gipistahan

Trending karon  sa social media ang Cebuana nga  Pinoy Big Bother  Gen 11 4th Big Placer nga si Kai Montinola gumikan sa iyang  acting debut kauban ang laing Kapamilya actress  nga si  Julia Montes alang sa serye nga  ‘Saving Grace’.

 Kauban pud ni  Kai sa maong  eksena sina si Janice De Belen ug  Sam Milby.

Bisan pa man nga mubo ra ang eksena niini sa  ‘Saving Grace’,  gipasirgabo   si Kai sa  iyang fans.

Nilutaw ang potensyal ni  Kai sa natad sa pag-arte.  

Vic miduso  og kaso batok kang  Darryl

Miduso ang komedyanteng TV host nga si Vic Sotto og  multiple counts sa cyber libel batok sa film director   nga si Darryl Yap  gumikan sa teaser  sa upcoming film nga  “The Rapists of Pepsi Paloma.”

Giubanan si Vic sa iyang asawa  nga si Pauline Luna sa pag-file niya sa iyang reklamo kagahapon sa buntag, Huwebes  didto sa Muntinlupa Regional Trial Court .

“Marami po ang nagtatanong kung ano ang reaction ko since lumabas itong issue na ito. Ako’y nanahimik, wala naman akong sinasagot, sa mga taong nagtatanong, sa aking mga kaibigan, pamilya, a lot of people have been asking me, ‘Ano reaction mo?’ Ito na po yun. Ito na po reaction ko,” matud pa ni Vic.

Wala mahimout si Vic sa dihang nahisgotan ang iyang pangalan sa confrontation scene sa maong pelikula , kun diin gipangutana  ang karakter ni Pepsi Paloma  kun  gi-rape ba siya sa komedyanteng aktor  , ug nitubag ang babaye og,  “Yes.”

Samtang sa Facebook post ni Darryl, gibutyag nini  nga bisan kinsa nga taw  kay gawasnon nga moduso og reklamo.

“Kalayaan ng kahit sino ang magsampa ng reklamo. Walang may monopolyo sa katarungan,lalo na sa katotohanan. Malaya ang sinuman na magsampa ng reklamo,para mas maging malinaw ang totoo. Dahil sa huli, Katotohanan lang ang depensasa lahat ng katanunga,”ni Darryl pa.