Allen, dinadaan sa tradisyonal na panunuyo si Sofia

Ang bilis ng sagot ng Kapuso young actor na si Allen Ansay sa tanong kung nililigawan niya ang ka-loveteam na young actress, si Sofia Pablo. “Parang hindi na po kaila­ngang itanong ‘yan. Siyempre po, 100%, siya lang,” sabi niya sa mediacon ng kanilang upcoming afternoon series na Prinsesa ng City Jail.

Pero hindi pa raw sila, pero aniya, malapit na. “Hindi pa po pero alam niyang gusto ko siya,” sagot ni Allen.

Kilig na kilig naman si Sofia lalo na nga at very traditional daw ang panliligaw ng ka-loveteam. Hindi dinadaan sa social media at pagpapa-cute. “Siyempre po, masaya and masarap talaga sa pakiramdam, sa puso na may taong nandiyan para alagaan ka. Alam mo na may taong nandiyan lagi para makinig sa ‘yo, suportahan ka. Especially sa work namin na magkasama kami, kapag napapagod (ako), andiyan siya para iabot ‘yung water ko, para pakainin ako. Minsan po kasi, pasaway po ako sa work. Mayroon po akong ugali na kapag tuloy-tuloy (ang trabaho), hindi ako kumakain. Sabi ko, ‘hindi ako gutom.’ Nagagalit siya sa akin.

“So, siyempre, thankful ako na sobrang genuine ng care niya, pati kay Mommy. So, ‘yun, super-blessed,” kinikilig na hirit Sofia.

Samantala, ang Prinsesa ng City Jail ay kuwento ng dalagang lumaki sa city jail dahil sa amang jail guard. Dito niya rin makikilala ang binatang si Xavier (Allen) na nabilanggo dahil sa kasalanang hindi niya ginawa.

Kasama rin sa serye sina Beauty Gonzales, Keempee de Leon, at iba pa.