Jane bukas na mosulod og relasyon

CEBU, Philippines — Human napakyas ang  nangaging tulo  ka relasyon, andam na mahigugma og balik ang aktres nga si Jane de Leon .

Aminado si Jane nga nagmalipayon siya kaniadto sa dihang gisudlan niya ang maong butang busa wala ra gyu’y problema kun pananglitan dunay  makabihag og balik  sa iyang kasingkasing.

Kahinumdoman nga sa nangaging interview , giangkon  ni Jane nga tulo ka mga aktor ang nauyab  niya kaniadto nga nisangpot ra gihapon sa panagbuwag.

Katapusan siya nga nakauyab kay kadtong gihimo pa niya ang pantaseryeng Darna sa ABS CBN.

Jo miabi-abi sa iyang fan nga dunay cancer

Nahimamat sa   bida sa  GMA Afternoon Prime series nga  "Lilet Matias: Attorney at Law " nga  si  Jo Berry    ang iyang fan  nga ginganlan og Raizen nga  usa ka cancer patient.

Si  Raizen nga naghambin og acute lymphoblastic leukemia  kay nangandoy nga mahimong abogado.

Usa sa naghatag og inpisrasyon  ni Raizen mao ang karakter ni Jo sa maong serye nga usa pud ka manlalaban.

"Gusto ko po ipagtanggol po 'yung hindi po nila kayang ipagtanggol 'yung sarili nila, doon po ako na-inspire sa kanya, sabi ko kailangan talagang maging matapang kapag may pinaglalaban tayo," saysay pa ni  Raizen sa interview niini sa news program nga 24 Oras .

Nagmapasalamat pud si Jo ngadto kang Raizen  gumikan kay gikonsiderar siya nga  usa sa   naghatag  og inspirasyon niini.

"Ako rin, nadagdagan yung inspiration ko. Thank you na ganyan 'yung willpower mo na ituloy 'yung pangarap mo," matud pa ni Jo. 

MMFF extended hangtod Enero 14

Gi-extend  hangtod sa Enero 14  ang pagpasalida sa entries sa    50th  Metro Manila Film Festival  sa pipila ka sa mga sinehan.

Suma pa ni Metropolitan Manila Development Authority chairman Atty. Don Artes  nga ang nakab-ot nga desisyon kay   resulta sa  hangyo sa publiko .

 “We, at the MMFF, are overwhelmed with the continued support of the public for the festival’s 50th edition. Due to public clamor, we have decided to extend the theatrical run of the MMFF movies to further showcase the locally produced films that are truly impressive and artistically excellent,” saysay pa ni  Artes .

Kun wala  pa kini na-extend,  kutob  ra  gyud unta karong adlawa  , Enero 7  ang  nahisgotan nga film festival.

Sofronio nakadawat og rekognasyon gikan sa OPM

Sa pagbisita kagahapon sa programang It’s Showtime  , nakadawat og espesyal nga rekognasyon  gikan sa Organisasyon ng mga Pilipinong Mang-aawit (OPM)  ang  'The Voice' USA   grand champion nga si Sofronio Vasquez.

Hugyaw nga   opening number ang gidalit ni  Sofronio  sa It’s Showtime kauban ang mga hurado sa  “Tawag ng Tanghalan”  ug  TNT champions .

Mapasalamaton si  Sofronio sa tanang naglangkob  sa maong  noontime show .

 “Maraming, maraming salamat po for starting to develop and starting to open up the dreams for everyone,” suma pa sa singer.

Suma pa niya nga  nahimong kabahin ang It’s Showtime sa pagkab-ot sa iyang pangandoy.

“Hindi naman po nila alam na hindi po tumigil 'yung pangarap ko sa competition. 'Yung Showtime po 'yung mismong nagbigay sa akin ng trabaho at ginawa po akong vocal coach kaya salamat po,” ni Sofronio pa.

Ang pagdawat  ni Sofronio og Special Commendation Award gikan sa OPM kay nagagumikan  sa makasaysayanon niya nga kalamposan  isip labing una nga Pinoy nga nakadaog sa Voice USA ,ingon man usab ang iyang  dedikasyon ug ang dili basta-basta niya nga talento.

Sold out

Dili masukod ang gibating kalipay   sa singer nga si  TJ Monterde human na-souldout dayon  ang  tickets alang sa tulo ka gabii niya nga konsyerto.  Gikatakda siya nga mag-konsyerto  karong Pebrero 1-3, 2025 sa Araneta Coliseum.  Si TJ ang nagpasikat sa awit nga “Palagi”.

Jamie ug Gov. Manotoc engaged na!

Engaged na ang beauty queen  nga si Jamie Herrell ngadto kang Ilocos Norte Governor Matthew Manotoc nga anak ni Senador Imee Marcos.Unom ka tuig na ang relasyon sa duha ug malipayon nila nga gipaambit  sa ilang mga Instagram account ang mga hulagway nga kuha atol sa wedding proposal.

John mitingog

Gitataw ni John Estrada nga wala siya kaila ni Barbie Imperial   sa personal busa gikahibulong niya og maayo kun nganong na-link  kini kaniya  ug giklaro niya nga dili tinoud ang maong chika.   Sa taho  sa Banat News Hugyaw kagahapon,  una na nga gihimakak ni Barbie ang maong isyu.