MMFF, mas nag-effort sa 50th celebration

Nakaapekto nga siguro na walang pambatang pelikula ngayong 50th anniversary ng Metro Manila Film Festival.

Na hindi kasalanan ng MMFF na walang nag-submit dahil ayon mismo kay MMFF Chair Don Artes, wala silang natanggap na fantasy o comedy.

“Wala kasing nag-submit na pambata talaga, purely pambata, fantasy, wala eh. We try to balance it naman for commercial purposes din para sa genre na pambata, pero wala rin kasing nag-submit ng pambata,” sabi niya sa isang interview namin.

First time nag-drama ni Bossing Vic Sotto at ganundin si Vice Ganda na suki ang mga bata ‘pag Pasko.

But anyway, in terms of 50th celebration, masasabi naman talagang ginawa lahat ng MMFF executive committee upang mas maging bongga ang pagdiriwang this year as in level up.

They initiated major efforts tulad sa pag-revive sa Student Short Film Caravan and Festival, Film Master Classes, the Multi-Agency Serbisyo Fair, the level up announcement of the official entries, the Celebrity Golf Tournament to raise funds for Mowelfund, the Konsyerto sa Palasyo, the Grand Media Con and Fans Day sa Gateway, the Spectacular Parade of Stars and Musicfest from the Kartilya Ng Katipunan to The Manila Central Post Office hanggang sa special edition trophy, red carpet at souvenir program. Pati ang food at pag-estima sa lahat sa finale event.

Kaya kudos talaga Executive Committee, special metion kay kapatid na Noel Ferrer na spokesperson ng MMFF sa naging pagdiriwang ng #MMFF50.

As of presstime, nangunguna pa rin ang And The Breadwinner Is…

Sumusunod ang The Kingdom, Uninvited, Espantaho at Green Bones.

May possibility na umabot na rin ng P1 billion lalo na kung tatauhin ngayong araw, Jan. 1, 2025, na karaniwang dinadagsa ng mga manonood sa mga nakaraang filmfest.