Hilda, ‘di nagdalawang isip na magloka loka

Muling makagagawa ng isang makabuluhang pelikula si Hilda Koronel. Magbibida ang premyadong aktres sa historical thriller film na Sisa sa direksyon ni Jun Lana. Ayon kay Hilda ay taong 1902 habang kasagsagan ng Spanish-Filipino American ang setting ng bagong proyeto. “It’s called Sisa and they have a misconception sometimes na it’s about Jose Rizal’s Sisa, but it’s not. So original story ito ni Jun, interesting,” bungad sa amin ni Hilda sa Fast Talk with Boy Abunda.

Para sa beteranang aktres ay talagang kaabang-abang ang kanyang gagampanang karakter sa bagong pelikula. “They see her as a mad woman in the beginning. We’re showing all sides. The bad side of the nationalists, the bad side of the American occupation, and all that, and the things in between from the perspective of the people that were there in this particular bayan. Parang loka-loka siya, parang loka talaga. Kaya when they asked me, ‘Anong pangalan mo?’ I don’t know, hindi ko alam. Kasi loka-loka, pinangalang Sisa. But truly she wasn’t really crazy. She was a spy for the nationalist revolutionaries,” pagbabahagi niya.

Hindi nagdalawang-isip na tanggapin ni Hilda ang naturang pelikula dahil ibang-iba ito sa kanyang mga nagawa sa nakalipas na mga dekada. “It’s totally different from what I’m doing. I did Lupang Hinirang (pelikula noong 1973) which is a period piece in the old days. But it’s totally different. This is really concentrating on her and her revenge. ‘Yung gusto niyang mangyari. Okay, pinatay n’yo lahat ng mga pamilya ko. So talagang it’s very interesting. I love the story,” giit ng premyadong aktres.

Sanya, pinagmamalaki ang ginawa

Nalalapit na ang pagtatapos ng Pulang Araw na pinagbibidahan nina Sanya Lopez, Alden Richards, Barbie Forteza, David Licauco at Dennis Trillo. Isang masayang karanasan para kay Sanya na mapabilang sa naturang seryeng GMA Network. “Lahat ng ginawa ko kasing shows sobrang mahal na mahal ko pero ito sobrang sarap lang sa pakiramdam na ipagmalaki pa lalo na sa mga susunod na henerasyon. Hindi maluluma, ‘yun ‘yung masarap dito sa show na ginawa ko, dito sa teleserye na ‘to,” nakangiting pahayag ni Sanya sa 24 Oras.

Malayo na ang itinakbo ng istorya ng Pulang Araw sa mga nakalipas na buwan. Ayon kay Sanya ay lalong kaabang-abang ang bawat tagpo sa pagtatapos ng seryeng napapanood din sa Netflix. (Reports from JCC)