James Blanco gidaganan sa iyang business partner?
CEBU, Philippines — Nagsagobang og dakong problema ang aktor nga si James Blanco gumikan kay dili na niya makontak ang iyang business partner.
Matud pa sa aktor nga duna pa'y hatagan kaniya ang maong negosyante nga babaye .
Sa report sa PEP, dismayado ang aktor kay dako unta ang iyang pagsalig sa maong tawo ug hapsay ra gyud ang ilang panag-uban kaniadto .
Saysay pa ni James nga gihagoan niya og maayo ang kuwarta nga iyang gi-invest ug subo palandongon nga wala na kini mabalik kaniya .
"Jose Rizal" ipasalida Netflix
Gihimoan og restored o remastered version ang 1998 historical film nga "Jose Rizal” ug gikatakda kini nga ipasalida sa Netflix Philippines karong Disyembre 30 o Rizal Day.
Ang beteranong aktor nga si Cesar Montano maoy nagdala sa title role.
Kahinumdoman nga nanghakot og mga pasidungog ang “Jose Rizal” sa 1998 Metro Manila Film Festival (MMFF).
All-Time Top Winner
Si Taylor Swift maoy All-Time Top Winner sa Billboard Music Awards (BBMAs) human kini nakalangkat og 49 nga kadaogan sugod sa pagsidlak sa iyang career.Nagpasabot kini nga duna siya'y labing taas nga record sa kasaysayan sa BBMAs ug nagsunod kaniya si Drake nga dunay 39 ka daog.Nakadawat usab si Taylor ug 10 ka mga bag-ong pasidungog nga gilangkoban sa Top Artist, Top Female Artist, Top Billboard 200 Artist ug uban pa.
- Latest
