Mga miyembro ng BGYO, ‘andito lang’ sa isa’t isa

Andito Lang ang titulo ng bagong awitin ng BGYO na hango sa solid na samahan ng grupong kinabibilangan nina Gelo, Akira, JL, Mikki, at Nate.

Tungkol ito sa pakikiisa at pakikiramay sa mga kaibigan at taong minamahal sa panahon ng pagsubok.

Isinulat ito ni BGYO member Mikki katulong si Chris Lopez aka Moophs na kumuha ng inspirasyon sa karanasan ng grupo habang naninirahan na malayo sa kanilang pamilya at humaharap sa iba’t ibang pagsubok pagdating sa kanilang karera.

Nakatakda namang ilabas ang official visualizer ng  Andito Lang sa Disyembre 18 (Miyerkules) sa BGYO Official YouTube channel.

Sinusundan ng awitin ang unang international single ng OPM boy group na Trash. nilabas din ng grupo ang mga kantang Gigil at Patintero ngayong taon.

Napapakinggan na ang Andito Lang ng BGYO sa iba’t ibang music streaming platforms.