Sarah, marami na ulit trabaho

Nakaka-miss si Sarah Geronimo! Kaya napa-totoo ba ito ang mga tao nang mag-announce kahapon na siya ang headliner sa BGC New Year’s Eve at the 5th Avenue!!! I’m sure dadagsain ito ng mga Popsters.

Teka sa Christmas Special ba ng ABS-CBN ngayong gabi na kukunan sa Araneta Coliseum eh a-appear ba si Sarah G? Sana naman! Hindi sapat na nasa Station ID lang siya, ‘di ba?

SB19, kasali rin sa MMFF entries

Wagi ang pagkanta ni Stell ng Mapa na theme song ng MMFF movie ni Vice Ganda na And The Breadwinner Is… sa It’s Showtime. Sayang kasi kanta rin ng SB19 ang theme song ng GMA Pictures entry na Green Bones.

Last year, Ben&Ben’s Sa Susunod na Habangbuhay ang namayani dahil sa pelikulang Rewind, this year kaya mga pelikula na SB19 theme songs ang manguna sa takilya? Abangan natin ‘yan!

Although alam n’yo bang hindi sila qualified manalo bilang Best Theme Song kasi hindi sila originally composed for the movie na tinugtugan nila, ang labanan niyan ay audience recall at hihikayat sa box-office.  Exciting, ‘di ba?

Juday, noon pa sana horror queen

Hindi lang artista kundi co-producer si Judy Ann Santos sa pelikulang Espantaho.

Bakit? Talagang gusto niyong mapasama sa kanyang filmography ang isang obra ni Master Director Chito Roño na dati pa lang ay inoffer na sa kanya ang pelikulang Feng Shui. Bakit nga ba hindi natuloy ‘yun kay Juday at napunta kay Kris Aquino? Yumao na ang dapat sumagot noon na si Alfie Lorenzo na manager ni Juday. Marahil ito na ang tamang pagkakataon. Will  Estapantaho rake in awards and end up number 1 sa box office katulad ng  Deleter noon? With the changing taste ng audience, hindi malayo ha!

Concert ni Vehwnee Saturno, wala pang kumpirmasyon

End of January na ang tribute concert supposedly ni Vehnee ­Saturno - pero bakit wala pang ingay? We gathered na confirmed na sina Martin Nievera, Dingdong Avanzado at Jessa Zaragoza, Julie Ann San Jose, Joey Generoso, Noel Cabangon, at Ice Seguerra. Pati nga si Rita Daniela kasama sa listahan. Kamag-anak daw kasi ng produ?

Oh well, sana mai-promote itong show na ito nang maayos, dahil ilang beses na ito na-mo-move ‘di ba?

Nakakahiya naman sa hitmaker na si Vehnee Saturno na nag-Araneta na noong 25th Anniversary niya! Saan pala itong concert niya - sa Solaire ba o Newport World Resorts?

Nakakataquote:

“Excited akong mapanood itong pinagpaguran naming horror film ng mga bagets ko lalo pa’t mahilig silang manood ng horror. Gusto kong ipakita sa kanila na kaya pa ng nanay nilang manakot sa pelikula na na e-enjoy nila.”

JUDY ANN SANTOS - AGONCILLO , excited on having her kids watch her MMFF entry Espantaho.