P1.4 billion

CEBU, Philippines — Mikita na og kapin sa P1.4 billion sa box office worldwide ang pelikula nila ni Kathryn Bernardo ug Alden Richards  nga "Hello, Love, Again”.   Ang maong  pelikula mao na'y  “ highest-grossing Filipino film of all time”. Ang Hello, Love, Again" kay ubos sa direksyon ni Cathy Garcia-Sampana ug  sequel kini sa  2019 blockbuster movie nga  "Hello, Love, Goodbye."

World AIDS Day

Nangulo si Miss Universe 2015 Pia Wurtzbach  sa  bag-ohay lang  nga kasaulogan sa Pilipinas alang sa  World AIDS Day. Kauban niya  sila si Adrian Lindayag, Markki Stroem ,  Janlee Dungca ug uban pa.   “It's a global campaign, and I'm sure the rest of the world is doing their events like this," matud pa sa beauty queen.

Best travel partner

Nibakasyon sa Japan ang  "Lavender Fields' stars  nga sila si Jericho Rosales ug  Janine Gutierrez . Nalingaw gyud sila og maayo sa pagtikang sa maong dapit.  Gihulagway ni Echo si Janine isip 'best travel partner'.

Pambato sa Pilipinas napili  isip Miss Deaf Universe 2024

Ang representante sa Pilipinas nga si  Jasmin Ariola maoy nakoronahan isip  Miss Deaf Universe 2024, samtang ang kapares niini nga si  Arjay Lopez maoy  Mister Deaf Universe 2024 first runner-up. Gipahigayon didto sa Warsaw, Poland  sa  niaging gabii   ang  koronasyon sa Miss + Mister Deaf Universe 2024.

Atol sa question and answer portion ,   nadawat ni  Ariola ang pangutana nga  "If you won the crown what will you do for a year?"

"I would want to support Mister and Miss Deaf Universe in the future so deaf  people could have a better prospect of life and to show, make recognition of disabled people and deaf people even more visible," tubag ni Ariola pinaagi sa  sign language.

Samtang ang  final question alang kang  Lopez: "What would you do if you won 10 million euros?"

"I would give it to  Miss + Mr. Deaf Universe to help develop the image and to help deaf (people) in the entire world so we can grow as universe community," tubag  ni Lopez pinaagi sa sign language.

"Billboard Princess" milusad og makamaoy  nga awit

Aktibo gihapon sa pagkanta ang  Cebuana singer nga si Debbie Lopez   , gani gilusad niya dili pa lang dugay   ang awit  niya nga  “Ang Higugmaon Ka” nga  daghan ang maka-relate.

Istorya kini sa tawo nga nahigugma  apan wala kini masuklian  sanglit ang tawo nga iyang gihigugma kay  tua sa laing kasingkasing nipasilong,

“ Maka-relate gyud ko sa song. Duna ko’y tawo nga love kaayo nako sauna, apan wala mi nagkauyab kay didto man siya laing tawo napunta.  Ang nakasakit kay didto pa gyud sa akong best friend ,”  suma pa ni Debbie atol  sa  presscon sa niaging adlaw.

Giila si Debbie isip "Billboard Princess"  gumikan sa iyang presensya sa 90 ka panels didto sa Metro Manila.

Nagsugod ang iyang karera sa musika  human siya nisulod sa  Session Live Streaming app, ug paghimo og nagkadaiyang cover songs .

Ang tibouk niya nga pangalan kay  Debbie Lopez Espina  ug malipayon niya  nga gipahibalo nga  tinagik ni Kuya Bryan   ang  awit nga   “Ang Higugmaon Ka”.

Ubay –ubay na mga pasidungog ang  nadawat ni Debbie kaniadto ug kini sama sa Philippines Choice Award for Promising Recording Artist of the Year (2023). Vietnam International Achievers Award for Asia’s Most Remarkable Multi-Talented Artist & Empowered Singer (2023) ug Most Exceptional Recording Artist of the Year (2024).

Gipangandoy usab sa singer nga maktrabaho niya puhon si Rico Blanco   ilabi na sa giplano niya nga music video  alang sa iyang latest single.

Nagbase na si Debbie sa Baguio City, apan mapasigarbohon niya nga gibutyag nga nagdako siya kaniadto sa Talisay City, Cebu.Gawas sa iyang pagka –singer, nagsilbi usab siya nga radio DJ didto sa kaulohan  ug  duna pud siya’y show sa  Net 25.   

“Hayyy Ambot” gipalanog na!

Pormal na nga gipalanog sa niaging adlaw  ang bag-ong awit nila ni Mc Brownian ug  Archie D'    nga “Hayyy Ambot”  nga naghisgot sa nagkadaiyang isyu  sa katilingban.

Base sa nanggawas nga obserbasyon ,  giingong makasayaw gyud ang mga tawo  nga makadungog sa maong awit.

Nailhan sila si Mc Brownian ug  Archie D'  sa pagdalit og mga awit nga dunay lawom nga mensahe alang sa katawhan.

Ubay –ubay  na mga ka mga awit nila kaniadto  kay naghisgot kalabot sa relasyon ug mga lugar , busa nagpalahi napud sila niining  higayona.