Legal team ni Neri mitingog na

CEBU, Philippines — Niisyu na og statement ang legal team ni Neri Naig  kalabot sa gisang-at nga mga kaso batok sa aktres.

Kahinumdoman nga gisikop ang aktres gumikan sa estafa ug kalapasan sa Securities Regulation Code.

Gikasubo sa legal team sa aktres gumikan kay wala kini nasayod kalabot sa kaso nga giatubang niini nga nagpakita nga dunay problema sa komunikasyon, ug mahatagan diay unta nila og depensa ang aktres.

Gani  nag-atubang na si Neri sa susama nga kaso  kaniadto ug puros kini nabasura.

"In compliance with the sub judice rule, we are unable to make any statements on the cases pending against Neri Miranda before the courts. It is unfortunate that Neri was not informed of the charges against her beforehand, as we would have been able to properly explain her side even before this reached the courts," tipik sa statement sa kampo ni Neri.

Samtang sa niaging gabii,  gidala si Neri sa tambalanan sa niaging gabii alang sa ‘medical evaluation’.

Sarah miabiba kang JK

Gipasigarbo ni Sarah Geronimo ang naabtan karon ni Juan Karlos.  Kahinumdoman nga si Sarah ang coach ni JK sa The  Voice Kids niadtong 2014.  Gidayeg ni Sarah ang kalidad sa talento ni JK  nga gihulagway niya nga "complete package".

Usa si Sarah sa mga nisaksi sa major concert ni JK sa niaging gabii.

Enrique gihulipan ni Baron?

Gisumsoman ang chika nga malakip diay unta si Enrique Gil sa upcoming Kapamilya series nga Incognito. Base sa gipistahan nga taho, giingong niatras matud pa ang aktor sa maong proyekto. Dunay mga nagduda nga ang papel ni Baron Geisler sa Incognito maoy gibiyaan nga role ni Enrique.

"Bughaw"

Human sa kalamposan sa awit nga Dilaw,   gilusad ni Maki dili pa lang dugay ang bag-o niya nga color song  nga nag-ulohan og "Bughaw".  Nasayran nga dili na mabangbang ang popularidad karon  ni Maki ug nagmalampuson usab ang iyang konsyerto sa niaging gabii.

Paghangop ni Fyang sa iyang status

Giangkon ni Fyang Smith nga dugay gyud nga nisantop sa iyang hunahuna ang iyang pagka-big winner sa Pinoy Big Brother: Gen 11.

Nakaingon si Fyang sa iyang kaugalingon nga siya  gyud diay ang big winner atol sa iyang labing una nga guest appearance sa  ASAP.

"Sa ASAP po. Dun ko lang po talaga na-realize kasi grabe po 'yung entrance.Sabi ko bakit may ganito akong entrance? Sabi ko Big 4 din naman ako, so bakit parang may solo akong part? Sabi ko ay Big Winner pala ako and dun nag-sink in na sa akin okay I'm the Big Winner," saysay pa ni Fyang sa interview niini sa TFC Show ni Bianca Gonzalez nga BRGY.

Suma pa niya nga daghan siya og nakat-onan sa iyang mga kasinatian sa PBB.

"Siguro po the way na maging mindful na ako. Kasi before basta galaw lang po ako na kahit anong lumabas sa bibig ko, wala akong pakialam. Kinakapa ko rin po kung ano 'yung vibe, ganun na rin po ako ngayon," saysay pa ni Fyang. Sa pagka-karon, todo adjust si Fyang sa ka-busy niya  sa showbiz. "Nakakapagod po siyempre pero at the same time grateful ako na meron akong busy day kasi hindi naman po lahat nabibigyan ng ganitong opportunity," niya pa.

Bag-ohay lang gianunsyo

Ikaupat nga  Best in National Costume Award  sa Pilipinas

Human nilabay ang duha ka semana,  nakapili na ang Miss Universe Organization og mga mananaog alang Top  3 alang sa award nga Best in National Costume.

Ang pambato sa Pilipinas nga si Chelsea Manalo maoy nakakuha sa unang puwesto sa Best in National Costume award.

Nakakuha sa ikaduhang puwesto mao si  Miss Chile Emilia Dides, samtang ang ikatulong puwesto  mao si  Miss Vietnam Nguyen Cao Ky Duyen.

“Proudly representing their homeland! The National Costume is a way for contestants to share their country’s story, traditions, and values with the world,”  statement sa MUO.

Ang  national costume ni Chelsea kay gitawag og “Hiraya,” nga hinimo sa  Filipino designer nga si Manny Halasan. Mao kini ang ikaupat nga   National Costume Award nga naangkon sa  Pilipinas nga unang nakuha nila ni Charlene Gonzalez (1994), Gazini Ganados (2019), ug Michelle Dee (2023).