Nganong nagbuwag sila si Thea ug Mikoy?

CEBU, Philippines — Ang pagpalambo sa tagsa-tagsa nila ka mga kaugalingon maoy nag-unang rason sa breakup  nila ni Thea Tolentino ug Mikoy Morales kaniadto.

Kahinumdoman nga buwag-balik ang relasyon nila kaniadto hangtod nga ila kining hingpit nga gitak-opan.

"Nag-break kami because na-feel ko na I can grow more as a person, but not together," saysay pa ni Thea sa interview niini sa show ni Mikee Quintos nga "Lutong Bahay" .

Gitataw hinoun niya nga maayo ra ang tinagdan nila ni Mikoy  karon sanglit gipabilin nila ang ilang  panaghigalaay.

Jung Ho Yeon ug Lee Dong Hwi nagbuwag

Nagbuwag ang  South Korean stars  nga sila si  Jung Ho Yeon ug Lee Dong Hwi human sa siyam ka tuig  nila nga relasyon.

Gikumpirmar sa mga nagdumala sa ilang career ang ilang breakup. 

Wala hinoun gidetalye ang rason sa ilang  panagbuwag.

Nailhan si Jung Ho Yeon  sa kadaghanan gumikan sa iyang  role isip  Kang Sae Byeok o  Player 967 sa  Netflix series nga  "Squid Game." 

Samtang si  Lee Dong Hwi maoy nidala isip  Ryu Dong Ryong sa  "Reply 1988."