Motabang sa mga naapektohan sa bagyo

KathDen movie naka- P566M na!

CEBU, Philippines — Pipila pa lang ka adlaw sukad gipasalida ang pelikula nila ni Kathryn Bernardo ug Alden Richards nga "Hello, Love, Again”, nikita na kini og kapin sa  P566 million .

“We’re so blessed because binigyan ng mga tao ng chance yung pelikula namin at lahat ng nare-receive namin. Wala na kaming mahihiling pa,” matud pa ni Kathryn.

Motambong usab sila si Kathryn  ug Alden sa Asian World Film Festival kun diin nagsilbing closing film ang  “Hello, Love, Again” .

Gipaneguro sa  mga nagpaluyo sa  "Hello, Love, Again"  nga makahatag og makahuloganon nga impact  busa nakahukom  sila nga tipik sa kita sa maong pelikula kay idonar sa mga naapektohan sa bagyo.

“Grabe kasi yung blessings na natatanggap namin. Nakakatuwa kasi ABS-CBN and GMA Pictures decided to share and give back. This is what it’s all about,” dugang pa ni Kathryn. 

Tiktok craze

Nakagukod pa gyud ang  Kapamilya star nga si  Andrea Brillantes sa trending nga "Piliin Mo Ang Pilipinas" TikTok craze.  Nalakip sa iyang video ang nagkadaiyang milestones sa nasud  ug nalakip na niini ang pagkadaog ni Pia Wurtzbach sa Miss Universe .  Duna pu’y  portion nga nag-costume siya  og Darna ."Thank you so much for all the love my video has been receiving. You don’t know how much this means to me," matud pa sa aktres.

Gidayeg ni Charo

Giidolo sa mga apo  ni ABS-CBN executive Charo Santos-Concio ang girl group nga BINI.    Matud pa niya nga naghatag gyud og inpirasyon ang istorya sa BINI kalabot sa ilang pagpaningkamot   hangtod nga nisaka ang ilang career busa nakadayeg gyud siya niini. "It was a joy to meet the talented members of BINI with my granddaughters. Their stories of hard work and resilience inspired countless young dreamers, like my apos, to keep on pursuing their passion,” social media post ni Charo.

Gikagobtan sa Australia

Gidumogan sa mga tawo didto sa Sydney, Australia  ang pagbisita  nila ni Coco Martin ug ubang mga bitoon sa 'Batang Quiapo'.  Kabahin kini sa nakalinya nga mga kalihokan sa TFC. Nagpasalamat ang aktor sa tanang nisuporta sa mga programa sa ABS-CBN.  Malipayon  si Coco gumikan kay pabilin nga naglawig ang teleserye niya nga  'Batang Quiapo'.

"Number One Girl"

Gikatakdang i-release sa Blackpink member nga si Rosé karong Nobiyembre 22 ang iyang  bag-ong single nga “Number One Girl."

“This one’s for my number ones. ,” Instagram post sa singer .

Ilusad usab niya karong Disyembre 6 ang iyang solo album nga "Rosie"

Ang tawo likod  sa kalamposan  sa Mister International 2024

Gibutyag sa pageant director sa bag-ohay lang nga Mister International 2024 nga gipahigayon sa Sugbo nga si  Lemuel Rosos nga magbaha ang mga proyekto alang sa komunidad nga pagabuhaton sa mga  mananaog sa maong pageant.

Sa interview sa Banat News Hugyaw ngadto kang Rosos , gisaysay niini nga duna pu'y pagasalmotan nga fashion show, ug uban pa nga mga kalihokan ang mga mananaog nga gilangkoban nila ni  Fran Zafra sa Spain (Mister International 2024),Estefano Balarin  sa Peru (first runner -up) ,Marvin Diamante sa Pilipinas (2nd runner-up ) ,Elias Silitonga sa Indonesia (third runner-up), ug Zeng Xianyang sa China (fourth runner-up).

Dugang pa ni Rosos nga gipasigarbo niya ang Team Cebu gumikan sa nagmalampuson nga pagpahigayon niini sa Mister International 2024.

"  Very grateful  kaayo ang Team Cebu and proud kay successful jud kaayo ug grabe ang positive nga mga feedback gikan sa  pageant fans around the world. This is a collaborative effort jud..Thanks God kay naa pud atong mga highly esteemed partners nga nitabang jud ," saysay pa ni Rosos.

Karon nga nahuman na ang Mister International 2024, gipaabot nga ma-busy napud si Rosos sa usa ka local male pageant kun diin ang mananaog niini kay dalhon sa national level. 

Rap group gitabangan ni Ai Ai

Usa sa gikabisihan karon ni  Ai Ai delas human sa breakup nila sa iyang bana nga si Gerald Sibayan mao ang pagtabang sa rap group nga Outcast nga gilangkoban sa pito ka mga batan-ong lalaki nga nagikan sa  Dasmariñas, Cavite.

Nauyonan ni Ai-Ai ang mga kanta sa  maong grupo  gumikan kay nagtangag kini og leksyon ilabi na sa paghigugma sa inahan.

  Ipail-ila niya ang maong grupo ngadto sa publiko sa dilli pa molapas ang buwan sa Nobiyembre.

Bag-ong awit ni  Jel Rey naghisgot sa gugma nga lisod buhian

Gipaambit sa singer-songwriter nga si JEL REY ang way puas nga gugma sa iyang bag-ong kanta nga "Bumabalik Pa Rin."

Niining alternatibong indie-pop nga kanta, si JEL REY naghisgot bahin sa kalisod sa pag-move on sa nangaging relasyon. Gisuwat ug giprodyus niya kini kauban sila si Edsel De Guzman sa bandang Drive of Daydreams ug StarPop label head nga si Roque “Rox” Santos.

Nagsugod ang musical journey ni JEL REY dihang gilusad niya ang iyang debut single nga “Hele Pono” sa niaging tuig nga nakakuha og nominasyon alang sa Best Performance by a New Solo Artist sa 37th Awit Awards.

Nunot niini, gipagawas niya ang mini album nga "TERAPEWTIKA" nga adunay mga awit nga  sama sa "Nasa Alapaap Ang Paraluman" ug "Tayo (Ating Istorya)." Siya usab ang nagkanta sa  "Naiilang" nga  gipahinungod sa iyang suod nga higala.

Gihulagway sa StarPop artist ang iyang pagsulat sa musika nga adventurous nga nagtuyok sa lain-laing genre sama sa rock, hip hop, pop, ug soul. Aktibo usab siya sa TikTok diin gipaambit niya ang iyang proseso sa musika ug pagsulat sa kanta.

Ang bag-ong kanta ni JEL REY nga "Bumabalik Pa Rin" madungog sa nagkalain-laing digital streaming platforms.

Marian napili nga Actress of the Year"

Ang Kapuso star nga si Marian Rivera maoy napili nga  "Actress of the Year" sa  Esquire Philippines.

Nitambong ang aktres sa award night  niadtong Lunes  ug pormal niya nga gidawat ang rekognasyon.

Gipahimug-atan sa Esquire Philippines ang maong kadaogan   alang sa pelikula ni Marian  kaniadto nga  "Rewind" .

Siya usab ang nakakuha sa  Best Actress award sa  Cinemalaya Film Festival alang sa pelikula niya nga  "Balota."

Bashers gipasalamatan ni Francine

Gipasalamatan ni Francine Diaz  ang iyang bashers  gumikan kay nagpasabot kini nga dunay namantay sa iyang mga lihok.

“Thank you for all of the hate comments. Go on. Keep ’em coming," matud pa sa aktres.

 Suma pa sa aktres nga wala siya'y panahon  sa iyang mga kritiko .

“Kasi parang, ako sa sarili ko ha, sino ba ko para pag-aksayahan niyo ng panahon? Para mag-tu-tweet tweet kayo, gumawa kayo ng videos, mag-comment kayo na, ‘Ang panget ng mukha ni Francine! Ang panget ng ugali niya! Ang laki ng bunganga! Ang laki ng mukha niya!’,”ni Francine pa.

The Voice USA Pinoy nakasulod sa Top 20

Nakasulod sa Top 20 sa The Voice USA ang kanhi contender sa "Tawag Ng Tanghalan"  sa It's Showtime nga si Sofronio Vasquez.

Nakatungtong siya sa maong hugna human gipalukapa niya sila si  Jeremy Beloate ug Kiara Vega sa latest round .

Gikanta ni Sofronio niadtong higayona  ang " You Don't Have to Say You Love Me."

"See you at the PlayOffs! TOP 20 na tayo Thank you Lord. So honored to have worked with EGOT @iamjhud and of course my icon @michaelbuble, Thank you so much! #TeamBublé all the way," suma pa ni Sofronio.

Dionne Warwick mag-concert sa Pilipinas

Motikang sa Pilipinas ang American singer - actress nga si Dionne Warwick alang sa iyang konsyerto nga mahitabo karong Enero 24, 2025 sa  New Frontier Theater sa Quezon City.

Suma pa sa  Wilbros Live nga ang maong konsyerto kay nag-ulohan og "One Last Time "

Pipila sa iyang sikat  nga mga awit  kay I'll Never Love This Way Again, Don't Make Me Over Alfie, That's What Friends Are For, I Say A Little Prayer, I'll Never Fall In Love Again, Do You Know The Way To San Jose, What The World Needs Now ug uban pa.