Piolo nanguyab kang Sue?

CEBU, Philippines — Niulbo ang chika nga gawas kang Dominic Roque, gikatahong nangulitawo pud kang Sue Ramirez ang laing aktor nga si Piolo Pascual. Pipila ka adlaw na nga gisumsoman ang maong taho. Tak-om lang ang duha ka kampo kalabot sa maong chika . Kahinumdoman  nga upat ka buwan na nga nagbulag sila si Sue ug  Victorias City Mayor Javi Benitez.

Kever sa ex-BF

 Dili ra gyud motingog  si Catriona Gray sa higayon nga itupo siya ngadto sa iyang ex-boyfriend nga si Sam Milby.  Una na nga nanungog kanila ang aktor nga si  Iñigo Pascual apan wala gyud manumbaling ang beauty queen. Nagkaabot sila si Catriona ug Sam sa bag-ohay lang nga show sa Cornerstone Entertainment  didto sa Canada.

Nayayay ang anak

Nihatag og katin-awan si Jolina Magdangal sa nikatap nga taho nga matud pa giisnab niya ang pagka-hurado  sa Tawag ng Tanghalan sa It's Showtime sa niaging adlaw. Suma pa sa singer-actress  nga gidala niya sa doktor ang iyang anak human naglain ang gipamati niini  ug mao kini ang rason nga wala siya makatunga  sa TNT.

Bokalista  sa AEGIS mitaliwan

Nipanaw kagahapong adlawa ang usa sa mga bokalista sa grupong AEGIS nga si Mercy Sunot  .

Gikompirmar kini sa banda pinaagi sa ilang official Facebook page.

Kahinumdoman nga gipaubos ang singer sa  lung surgery niadtong Nobiyembre  12. 

Nagbase na sa Amerika si Mercy sulod sa pito  ka buwan alang sa iyang treatment  sa Stage 4 breast cancer.

"It is with heavy hearts that we share the news of the passing of Mercy, one of the beloved vocalists of AEGIS Band. She bravely fought her battle with cancer but has now found peace and rest.Mercy’s voice wasn’t just a part of AEGIS—it was a voice that brought comfort, joy, and strength to so many. She has touched countless lives, inspiring fans and lifting spirits with every song she sang. Her passion, warmth, and unforgettable presence on stage will forever be cherished in our hearts," tipik sa Facebook post sa bandang AEGIS.

"Hello Love Again" pasok sa US Box-Office Top 10

Nakalangkat napud og bag-ong record ang  "Hello, Love, Again" nga gibidahan nila ni Kathryn Bernardo ug Alden Richards human  nasakmit niini  ang ikawalong puwesto sa US Top 10 films.

Nagmalampuson ang unang kolaborasyon sa Star Cinema ug GMA Pictures nga kasamtangang mikita og $2.4 million sa US box-office.

Kini ang labing dako nga kita sa takilya sa usa  ka Pinoy movie nga gipasalida didto sa Amerika. Ang "Hello, Love, Again" kay nakaangkon og labing kusog nga average sa matag sinehan  nga $9,700.

Ang pelikula nga ubos sa direksyon ni Cathy Garcia-Sampana kay makita sa kapin 1,000 ka mga sinehan sa tibuok kalibutan lakip ang US, Canada, Europe, Australia, New Zealand, Guam, ug Saipan. Ipagawas usab kini sa Singapore, Malaysia, Middle East, Cambodia, ug Hong Kong karong bulana. 

James ug Coco mag-uban sa usa ka proyekto?

Niulbo ang taho nga posibleng  makatrabaho og balik ni James Reid ang higala niya nga si Coco Martin.

Una na nga gibutyag ni James nga naghinam-hinam na siya nga mobalik sa pag-arte atubangan sa kamera .

Nagkauban  kaniadto sila si James ug Coco sa 2015 Metro Manila Film Festival entry nga “Beauty and the Bestie” .

Katapusang nga acting project ni James mao ang pelikulang “Miss Granny” niadtong 2018 .

Sandara emosyonal sa birthday surprise

Puwerting hilaka  ni  Sandara Park human siya nakadawat og birthday surprise gikan sa iyang fans ug mga kaubanan sa 2NE1 atol sa ilang reunion concert sa SM Mall of Asia Arena sa niaging gabii .

Ang kauban niya sa grupo nga si CL kay nilenggua og  , "Happy birthday, Dara! Mahal kita!".

Matud pa ni Sandara nga natandog siya sa mainitong suporta sa iyang fans.

Malipayon usab siya kay nakauban niya og balik ang  mga kaubananan niya sa 2NE1 sa pagsaulog sa iyang birthday.

 "I used to celebrate my birthday with 2NE1 and with Blackjacks on stage, you know. After the disbandment, I was not used to celebrating my birthday by myself. And now, we're here again together," matud pa ni Sandara.