Mikee-Paul movie i-shoot sa Bohol
CEBU, Philippines — Magpares sa usa ka pelikula nga nag-ulohan og Sweet As Chocolate ang mag-uyab nga sila si Mikee Quintos ug Paul Salas.
Suma pa nga pagahimoon didto sa Bohol ang mga eksena sa maong pelikula.
Ang direktor sa Sweet As Chocolate kay si Conrado Peru nga maoy naghupot kaniadto sa reunion movie nila ni Vilma Santos ug Christopher de Leon nga When I Met You.
Karong February 2025 ang gi-target nga buwan alang sa pagpasalida sa maong pelikula.
HLA mikita og P85M sa unang adlaw
Nagmaya ang kinatibuk-ang production team sa pelikulang “Hello, Love, Again” nila ni Kathryn Bernardo ug Alden Richards gumikan kay nikita dayon kini og kapin sa P85 million sa unang adlaw nga pagpasalida niini niadtong Miyerkules.
Nasayran nga kapin sa 1000 ka mga sinehan worldwide ang nagpasalida sa maong pelikula nga ubos sa direksyon ni Cathy Garcia-Sampana. Mapasalamaon si Alden sa tanang nisuporta sa sequel sa ilang pelikula.
“Maraming salamat sa mga excited mapanood muli ang kwento ni Joy at Ethan.
Napakasaya namin and we’re very proud of this film and we’re very excited for you guys to see it,” matud pa ni Alden. Ang “Hello, Love, Again” kay co-production sa Star Cinema ug GMA Pictures.
“Gibitoonan usab kini nila ni Joross Gamboa, Valerie Concepcion, Jennica Garcia, Kevin Kreider, Jobert Austria, Mark Labella, Marvin Aritrangco, Ruby Rodriguez, ug uban pa.
- Latest
