Bea mihatag og katin-awan sa sweet photo
CEBU, Philippines — Giintriga og maayo si Bea Alonzo human nakita sa usa ka Instagram story nga duna siya’y katupad nga lalaki ug sweet kaayo sila tan-awon.
Nitingog dayon si Bea kalabot sa maong espekulasyon ug giklaro niya nga higala ra gyud niya ang maong lalaki.
Gitambagan niya ang iyang followers nga mokalma lang.
"Okay, this is getting out of hand.Can we all relax? We are just friends.And the stories are getting ridiculous. Kalma lang po tayo,” matud pa ni Bea.
Tom dunay upat ka buwan nga anak
Giangkon sa Kapuso actor nga si Tom Rodriguez nga usa na siya ka amahan ug upat ka buwan na ang anak niya nga lalaki nga si Korben.
Matud pa sa aktor nga ang iyang anak maoy iyang inspirasyon ug dili gyud masukod ang gibati niya nga kalipay sukad naabot kini sa iyang kinabuhi.
Malipayon ang love life sa aktor kauban ang iyang non-showbiz partner nga naila-ila niya didto sa Amerika pagkahuman sa breakup nila ni Carla Abellana.
Usa ka pribadong tawo ang iyang hinigugma ug dili kini Pinay.
- Latest
