Music videos sa top 12 Philpop himig handog entries gi-release na!

CEBU, Philippines — Makita na sa ABS-CBN Star Music YouTube channel ang music video sa Philpop Himig Handog Top 12 finalists .

Naglangkob kini sa “ATM” ni Ice Seguerra, “Buhi” ni Ferdinand Aragon, “Dili Na Lang” ni Jolianne, “Ghostwriter” ni KHIMO, “Kurba” ni Maki, “Langit Lupa” nila ni Geca Morales, Lyka Estrella, ug Annrain, “MHWG” sa VXON, “Papahiram” nila ni Moira Dela Torre ug Johnoy Danao, “Salamat (Nga Wala Na Ta)” ni Kurt Fick, “Taliwala” ni Noah Alejandre, “Tulala” nila ni Shantel  ug Extrapolation, ug “Wag Paglaruan” nila ni FANA ug Tiara  Shaye  Makita usab kini sa MYX cable channel ug The Filipino Channel (TFC).

Sa laing bahin, mainiton ang suporta sa OPM fans sa Philpop Himig Handog entries nga nilangkat  og 3.6 million combined streams samtang ang tanang kanta kay nakatigom og kapin sa 10,000 ka streams matag usa sa Spotify.

Nagsugod ang panagtambayayong sa Philpop Music Fest ug Himig Handog pinaagi sa usa ka mentorship program nga nagtanyag og workshops ug songwriting sessions alang sa bag-ong  Filipino composers gikan sa nagkalain-laing dapit sa nasud. 

Pagmaoy ni Lena gipistahan

Trending napud ang eksena ni Mercedes Cabral  sa teleseryeng  FPJ's Batang Quiapo sa niagong  gabii alang sa karakter niya isip Lena.  Sa maong episode, nagmaoy og maayo si Lena gumikan sa panagbuwag nila ni  Rigor  (John Estrada ) . Gisumsoman sa viewers ang linya niya nga  'Kabit ako, kabit ako ni Rigor!'.

Nagtangag og adbokasiya

Nagpanikad na si  Sharon Cuneta sa  upcoming series  nga  "Saving Grace”  kun diin modala siya sa role ni Miranda Valdez, usa ka   pubic service host nga nagtangag og adbokasiya alang sa mga inahan.     Ang "Saving Grace”  kay  Philippine adaptation sa  hit Japanese series  nga  "Mother."Nipagawas og video  ang Dreamscape Entertainment ug Prime Video Philippines kalabot sa karakter ni Sharon.

Balisong

Gipasigarbo og maayo ni Bianca Umali ang iyang  blade skills.Sa  Instagram Reel, gipakita sa aktres ang abilidad niya sa  butterfly knife, o nailhan usab isip balisong.  “Panibagong kasanayan,” matud pa ni Bianca.  

Ai-Ai dili hilabtan ang green card ni Gerald bisan pa man sa ilang panagbuwag

Human gikumpirmar ni AiAi delas Alas ang panagbuwag nila ni  Gerald  Sibayan, wala siya’y plano  nga  ipaputol ang kapuslanan  sa  "green card" sa Amerika nga nakuha sa iyang  estranged husband.

Kahinumdoman nga ang komedyanteng aktres maoy nitabang kang Gerald aron maangkon ang maong  klase  nga card.

"Hindi ko naman gagawin 'yon. Siyempre husband ko pa rin siya.Parang help ko na 'yon sa kaniya para magkaroon siya ng legal status sa Amerika,” saysay pa ni AiAi sa interview niini sa   "Fast Talk With Boy Abunda" niadtong  Lunes.

Suma pa sa komedyanteng    aktres nga nahitabo ang panagbuwag nila ni   Gerald niadtong  Oktubre pinaagi sa  chat. Matud pa ni  AiAi, nga naa siya sa Pilipinas , samtang si Gerald kay naa sa  Amerika sa dihang ni-chat  kini kaniya  nga wala na kini malipay sa ilang kaminyoon ug magbuwag na lang.Gusto ni Gerald nga makabaton og anak ug dili kini mahatag ni AiAi tungod sa pangedaron niini.

"Alam na niya ngayon how to fly. Parang kasi dati, ako yung nagmamaniobra, kasi ako talaga yung medyo matanda sa kaniya. So ngayon, mayroon na siyang karapatan to fly, nagwo-work na siya. Nandoon na siya sa Amerika,”  dugang pa sa aktres. Nanghinaot  si  AiAi nga makakita si  Gerald og tinud-anay nga kalipay .

"I wish you well kasi sa sampung taong pinagsamahan natin in fairness naman to you naging good husband ka naman and siguro ganoon talaga ang buhay. Basta, sana maging masaya ka na lang," matud pa sa aktres. Nagkanayon si  AiAi nga gisuwayan nila  ni Gerald nga makabaton og anak  pinaagi sa  vitro fertilization (IVF) apan wala sila nagmalampuson.

Gikasal ang duha niadtong 2017, ug subli sila nga nanumpa sa ilang panaghigugmaay sa Las Vegas niadtong  2022.  

"Grand Biniverse" concert, makita globally  nga live sa iWantTFC

Ang tulo ka adlaw nga  sold out concert  sa BINI kay dili lang kutob nga masaksihan sa Big Dome tungod kay ang "Grand BINIverse" show mahimo usab nga tan-awon live bisan asa nga dapit sa  kalibutan pinaagi sa iWantTFC Pay-Per-View karong Nobiyembre 16-18 nga mahitabo sa Smart Araneta Coliseum.?

Sa kantidad nga P1,290, ang BLOOMs adunay PPV day pass nga naglakip sa pre-show ug soundcheck footage sa pag-avail sa "Salamin, Salamin" PPV package.??

Alang sa mas maluho nga kasinatian sa pagtan-aw, ang "Cherry on Top" nga premium package kay naglakip sa multi-cam access sa ilang mga live performance kay naa pud ug nagkantidad kini og P2,490 matag PPV day pass.??

Mahimuslan usab ang pagtan-aw sa tanang petsa sa pasundayag niini uban sa iWantTFC PPV, nga sa kantidad nga P2,599  alang sa  tulo ka adlaw nga PPV pass pinaagi sa "Salamin, Salamin" package.

Ang pay-per-view pass niini kay mapalit sa  iWantTickets (tickets.iwanttfc.com) ug iWantTFC.com ingon man sa opisyal nga app niini (anaa sa iOS ug Android).?

Idalit nila ni Aiah, Colet, Maloi, Gwen, Stacey, Mikha, Jhoanna, ug Sheena ang  paboritong hit songs nga "Pantropiko," "Salamin, Salamin," "Lagi," ug uban pang dagkong hits sa tulo ka adlaw nga "Grand BINIverse" concert, nga makita  sa tibuok nasod ug sa lain-laing dapit sa kalibotan sa iWantTFC Pay-Per-View.?

Samtang ang mga docuseries niini nga "BINI Chapter 1: Born to Win" mahimong tan-awon nga libre sa iWantTFC.?

 Ang iWantTFC kay  magamit usab pinaagi sa Chromecast ug Airplay.