Ivana gitabang, naglisod og ginhawa

Nakaingon si Ivana Alawi nga wala na unta siya niining kalibotana kun wala pa siya nagpadala sa tambalanan sa dihang naglisod siya og ginhawa  sa nilabay nga mga semana.

Sa iyang latest vlog, gibutyag ni Ivana nga nakasinati siya og tumang  panakit sa iyang lawas ug ubay-ubay ka mga espesyalista nga mga doktor ang nagmonitor kaniya .

"Siguro kung hindi ako pumunta ng ospital, feeling ko wala na talaga ako.  Nagpapunta na lang ako ng ospital nung hindi ko na kaya. I also got fluid in my stomach na sobrang napuno na siya. Day by day habang nasa ospital ako, umaangat nang umaangat 'yung fluid sa tyan ko," ni Ivana pa.

Coco nag-negosyo  og dishwashing liquid

Gawas sa ka-busy ni Coco Martin sa pag-arte, gisudlan napud sa aktor ang pag-negosyo. Gilusad sa aktor dili pa lang dugay ang kaugalingon niya nga dishwashing liquid brand. Ang  nag-unang tumong ni Coco  sa pagsulod og negosyo mao ang paghatag og trabaho sa kadaghanan.

Pablo dunay short film

Gilusad na niadtong Biyernes  sa  SB19 leader nga si  Pablo ang labing una niya nga  short film nga nag-ulohan og “Una”. Giprodyus  kini sa  1Z Entertainment ug ang inspirasyon  niini kay ang latest single ni Pablo nga  “The boy who cried wolf” nga kabahin sa  double album nga  “Alon” and “Laon".

Anti-piracy ambassador

Nanumpa si Kim Atienza sa niaging adlaw  isip usa sa mga anti-piracy ambassador sa GMA Network.Nitambong sa  oath-taking ceremony ang  Intellectual Property Office of the Philippines (IPOPHL) Director General  nga si Atty. Rowel S. Barba ug Deputy Director General Atty. Ann Claire C. Cabochan.