Mayor Javi, kinumpirma ang nangyari sa kanila ni Sue!
Para hindi na kailangang magpaliwanag ni Mayor Javi Benitez, ipinost na niya sa kanyang Facebook account ang statement sa tunay na kalagayan ng relasyon nila ni Sue Ramirez.
Ang dami kasing nagtatanong nang kumalat ang video nina Dominic Roque at Sue na naghalikan. Kaya minabuti ni Mayor Javi na ilabas na kung ano talaga ang totoo.
Narito ang kabuuan ng kanyang statement na ipinost niya sa kanyang FB account kahapon ng hapon.
“For the last five years, as Inday Sue and Toto Javi, two Negrosanons from different worlds, we built world of our own. It was full of love, dreams, laughter, and all the ups and downs in a relationship where you shared your life with someone. There were no outside forces, just two hearts finding their way together.
“Four months have passed since our paths quietly and respectfully went their separate ways.
“I look back with so much gratitude for the smiles, the laughter, and all the little joys we shared. Sue is beautiful soul, a gem in the entertainment world, a true talent who showed me that love can be both fierce and gentle.
“I wish her nothing but happiness and the love she deserves. Here’s to those good times, held close to my heart and to the grace of whatever lies ahead. I hope she continues to share her God-given talent with many more, touching lives as she has touched mine.”
Nabuo ang magandang relasyon nina Mayor Javi at Sue sa pelikulang Alpha Kid na launching movie dapat ng alkalde ng Victorias City.
Pero hindi pa rin naipalabas ang pelikulang ‘yun na dumaan sa maraming problema.
At hindi pa rin nai-showing ang pelikulang ito.
Nakakapanghinayang din ang kanilang relasyon dahil nakikita naman sa kanilang mga post sa social media na masaya silang dalawa.
SB19, nag-adjust sa Streetboys!
Ang saya, at enjoy ang lahat sa napaka-successful na reunion dance concert ng Streetboys na SB90s na ginanap sa New Frontier Theater nung nakaraang Biyernes.
Ang isa sa pinaka-highlight nito ay ang participation nina Stell at Justin ng SB19. Kaya SB90s x SB19!
Ito naman talaga ang gusto ng producer ng concert na ito na si Ogie Alcasid. Pero sabi nila sa kanilang presscon, hindi raw puwede ang SB19 nung kinausap nila ito.
Kaya lang nung pagkatapos ng presscon ay nakarating pala ito sa sikat na grupo at talagang ginawan ng paraan nina Stell at Justin na makasali sila.
Dagdag kuwela pa sa segment na ‘yun ang kantiyawan na ang saya ng mga sinabi ni Stell.
Aniya, “Maraming-maraming salamat po dahil it’s once in a lifetime opportunity to perform with these very talented and legendary group. Na talaga namang balita ko noon, ‘pag sumayaw sila, lahat nagtitilian. Tama ba?!
“Kaya maraming-maraming salamat po dahil sa totoo lang, kayo po ang inspirasyon ng mga parents namin.
“Tuwang-tuwa po ‘yung magulang ko na nakasayaw ko kayo. Parang… nakasama na daw po talaga namin ang mga ninuno namin. Maraming-maraming salamat!”
Hagalpakan ang lahat sa katatawa, at dinagdagan pa ni Jhong Hilario.
Aniya, “Kaya talaga nung rehearsal, hindi mo alam kung ano ang itatawag sa amin –kung kuya o tito. Pero grabe! Pinagbigyan kami ni Justin saka ni Stell. Malaking bagay ‘yon! Grabe! Sobrang maraming salamat! Alam naming napaka-busy n’yo pero pinagbigyan nyo kami.”
- Latest
