Unang Hirit, ginawang memorable ang nakaraang Undas

MANILA, Philippines — Alinsunod sa misyon nito sa paghahatid ng serbisyo publiko, ang Unang Hirit (UH) – ang pinakamatagal na palabas sa umaga ng bansa – ay nagkaroon ang Serbisyong Totoo booth sa Manila North Cemetery noong Oktubre 31 at Nobyembre 1 at ang Serbisyo Truck nito sa Bagbag Public Cemetery.

UH Barkada Ivan Mayrina, Mariz Umali, Suzi Entrata-Abrera, at Kaloy Tingcungco, kasama ang UH funliners, ay present sa Serbisyong Totoo booth sa Manila North Cemetery.

Daan-daang Kapuso nga ang dumagsa sa booth, at tinangkilik ang mga in-upgrade na handog nito, na kinabibilangan ng mga libreng meryenda, kandila, tubig, kape, lamok, at punasan. Nasiyahan din ang mga bisita sa pagkuha ng kanilang souvenir photos gamit ang UH Selfie Corner.

Nakipagchikahan din ang mga host ng UH sa karamihan, na ginawang mas memorable ang karanasan.

Si Suzi ay ikinuwento ang naramdaman nung nagbantay sa nasabing booth: “Sa totoo lang, excited ako lagi na magbantay sa Serbisyong Totoo booth kasi nakita ko kung gaano ito naging kapaki-pakinabang sa mga Kapuso nating bumibisita sa Manila North Cemetery. Shoutout sa mga staff and crew namin na magdamag ang paghahanda at buong maghapon na nagbabantay sa aming booth. Hanggang sa susunod na Undas!”

Ibinahagi rin ni Mariz ang kanyang excitement sa pagsali sa taunang event ng Unang Hirit. “Masaya akong maging bahagi muli ng Serbisyong Totoo Booth ng Unang Hirit ngayong Undas 2024 dahil bukod sa tradisyon na nating makapaghatid ng mga biyaya, gaano man ito kasimple, sa mga kababayan nating bumibisita sa mga yumao nilang mahal sa buhay, nakapagbibigay rin tayo ng inspirasyon at ngiti sa kanilang mga mukha. Pagpapaalala at patunay rin ito na ang Unang Hirit ay laging nandyan para maghatid ng serbisyo publiko sa mga Pilipino lalo na sa mahahalagang sandali ng kanilang buhay.”

Samantala, sa Bagbag Public Cemetery, na itinuturing na isa sa pinakama­laking sementeryo ng Quezon City, pinahusay ng UH ang access sa mga serbisyo nito sa pamamagitan ng Serbisyo Truck nito, na parehong nagsisilbing higanteng TV screen at surprise corner. Pinasaya ni Chef JR Royol ang mga bisita sa tradisyonal na kakanin, habang si Sean Lucas naman ay namigay ng mga meryenda at iba pang pagkain.

Bilang karagdagan sa pagbibigay ng mga serbisyo sa mga sementeryo, ang UH ay nagpakalat din ng kasiyahan sa mga commuter sa Parañaque Integrated Terminal Exchange (PITX) sa pamamagitan ng pamamahagi ng mga meryenda, tubig, at maging ng mga premyong salapi.

As Unang Hirit celebrates its 25th Anniversary this coming December, vie­wers can expect more public service, fun activities, and surprises.