Sagot sa bagong babae ng mister...Priscilla, memory na lang si John

INISIP ng mga nakabasa ng quotation card post ni Priscilla Meirelles na “When someone makes you an option, make them a memory,” na sagot niya ito sa balitang nakita na naman ang asawang si John Estrada na may kasamang babae. Akala ng mga netizens, tatahimik si Priscilla, pero naghintay lang pala ito ng timing.

May mga sumunod pang post si Priscilla na ang feeling ng mga nakabasa ay reaction niya sa balita.

Ang mga sumunod na post ni Priscilla ay tungkol sa pagiging asawa at waiting ang netizens sa mga susunod pang reaction nito.

Lalo na at may pahayag si John na lumabas dito sa PSN na wala na raw ba siyang karapatang makipagkaibigan? Inunahan na nito ang mga netizens sa pagsasabing kaibigan lang niya ang babae na nakitang kasama niya sa isang bar.

Marami ang nalungkot para kay Priscilla sa bagong isyu kay John dahil kita kung gaano kasaya si John sa larawang may kasama siyang babae. May mga naninisi rin kay Priscilla dahil ilang beses na raw itong ginawa sa kanya ng asawa, pero lagi niyang pinapatawad. Baka in a few weeks, okay na naman silang mag-asawa at titigil na muna siya sa pagpo-post ng cryptic messages.

WW, tatapusin na dahil sa eskandalo nila Rita?!

Nagpoprotesta ang mga viewers ng Widows’ War sa balitang tatanggalin o tinanggal na rin si Rita Daniela sa drama series. Dahil ito sa nangyari at ginawa sa kanya ni Archie Alemania na kasama niya sa nasabing drama series. Bakit daw nasama ang singer-actress sa tatanggalin, eh siya nga ang biktima?

Pero ang balita, babalik si Rita sa WW, para may closure nga ang karakter niya. Magpu-focus daw ang singer-actress sa isinampang kaso laban kay Archie at kailangan niya ng oras para roon.

Isa pang ikinalungkot ng mga fans ay ang balitang hindi na mai-extend ang WW dahil sa nangyari. Ang naunang balita, hanggang January 2025 pa ang extension nito, pero dahil sa kontrobersya, tatapusin na raw ang series.

Mark, tsugi

Nakagugulat naman ang balitang hindi na si Mark Reyes ang magpapatuloy magdirek ng Sang’gre. Pinalitan siyang director nina Enzo Williams at Rico Gutierrez. Mula pa sa original Encantadia, si Direk Mark na ang director at nagsimula na siyang mag-taping ng Sang’gre.”

Gustong malaman ng mga fans ng Encantadia ang rason kung bakit hindi na si direk Mark ang magpapatuloy at magtatapos sa Sang’gre. Nangangamba ang mga fans dahil baka hindi raw maganda ang kalabasan na iba ng director ang hahawak nito.

Binisita namin ang Instagram ni Direk Mark, wala pa siyang pahayag sa balitang ito.

Marami na ang sumugod sa IG niya at nagtatanong kung bakit siya nag-resign at kung bakit.

Sa IG naman ni Direk Rico, may nag-congratulate na sa kanya for being the new director of Sang’gre.