Cast ng Lolong Season 2 ipinakilala na, ruru napansin agad sa MMFF movie
Confirmed na confirmed na nga ang pagbabalik ng dambuhalang primetime action-adventure series na Lolong sa pangunguna ng Primetime Action Hero na si Ruru Madrid dahil ipinakilala na ang mga kasama sa season 2 ng Philippines’ Most Watched TV show for 2022.
Makakasamang muli ni Ruru sa Lolong: Bayani ng Bayan sina Shaira Diaz, Rochelle Pangilinan, Paul Salas, Mikoy Morales, Alma Concepcion, Maui Taylor at Jean Garcia.
Kaabang-abang din ang mga naglalakihang pangalan sa pangunguna ni John Arcilla na nagbabalik Kapuso. Mapapanood din sa Lolong sina Rocco Nacino, Martin del Rosario, Klea Pineda, at Tetchie Agbayani.
Bahagi rin ng powerhouse cast sina Victor Neri, Nikki Valdez, Bernadette Allyson, Boom Labrusca, Jan Marini, Gerard Pizarras, Archi Adamos, Nicco Manalo, Nikko Natividad, John Clifford, Waynona Collings, Shamaine Buencamino, Rubi Rubi, Inah Evans, Barbiengot Forteza, Joe Vargas, Karenina Haniel, at Leo Martinez. Ipakikilala rin ang child stars na sina Ryrie Sophia and Drey Lampago. Sina King Mark Baco at Rommel Penesa ang magiging direktor ng Lolong: Bayani ng Bayan.
Matapos nga ang storycon nito kamakailan, diretso ang ilang cast sa pangunguna nina Ruru, Rocco, at Paul sa GMA Network para makiisa sa Operation Bayanihan: Bagyong Kristine Telethon.
Magaganap ang dambuhalang comeback ng Lolong sa 2025.
Bukod sa Lolong mapapanood din si Ruru sa upcoming Metro Manila Film Festival entry ng Kapuso Network na Green Bones na nagandahan ang ibang mga nakapanood sa trailer.
Maririnig ang boses ni Ruru sa trailer na isa sa mga bida nito na tila nagsasalaysay ukol sa paniniwala ng ibang tao sa konsepto ng green bones.
May kasabihan kasi na kapag na-cremate ang isang tao at nakakita ka ng green bones o kulay berde na buto sa mga abo ng yumao, ibig sabihin ay naging mabuting tao ito. Makikita rin ang karakter ni Dennis Trillo na nakakulong habang si Ruru naman ay tila isa sa mga jail guard.
Naiintriga tuloy ang netizens kung ano ang kuwento nina Dennis at Ruru.
Excited na nga raw silang mapanood ito sa Disyembre!
- Latest
