Archie, dedma pa sa demanda ni Rita Daniela!
Marami ang nag-react sa reklamong isinampa ni Rita Daniela laban kay Archie Alemania.
Base sa isinumite niyang affidavit at sinumpaan sa Bacoor Prosecutor’s Office, nabastos na umano siya ni Archie sa party ni hinost ni Bea Alonzo, bakit pa siya sumama at pumayag na magpahatid sa aktor.
Sabi ng legal counsel niyang si Atty. Maggie Abraham Garduque, nakasaad naman daw sa affidavit nito kung bakit siya sumama.
Sa page 18 ng kanyang affidavit nakasaad na, “Thinking that he was already sober and that he went back to his being an elder brother who could safely take me home, I agreed to ride with him and cancelled my Grab ride.”
Matagal na rin kasing nagkasama sina Rita at Archie sa ilang projects at pareho sila ng manager sa Sparkle. Kaya siguro parang magkapatid na talaga ang turingan nila.
Kaya kahit nabastos na diumano siya ni Archie doon sa party, pinalagpas na lang niya dahil siguro iniisip niyang lasing lang ito.
At hindi naman daw niya akalaing itutuloy pa rin ito nang hinatid pa at mas malala pa pala ang ginawa.
Hindi na nagpa-interview si Rita, kundi ang abogado na lang niya ang kanyang pinagsalita.
Sinubukan din naming hingan ng pahayag ang Sparkle ng GMA Artist Center, at bahagi ng statement na ibinigay nila sa GMA News : “We at Sparkle GMA Artist Center are committed to ensuring a safe and respectful environment for everyone.
“Regarding the recent incident involving Rita Daniela and Archie Alemania, we have listened to both sides of the story over the past weeks. We believe this matter should be addressed in the proper forum, and we encourage both parties to engage in dialogue to resolve this issue fairly.
“We remain dedicated to supporting our artists and ensuring their well-being. We trust that this process will lead to a constructive resolution.”
Ilang beses na rin namin kinulit ng text message si Archie para hingan ng pahayag pero hindi pa rin siya sumasagot.
Carla, kinupkop na ang isinalbang aso sa highway
Bilang isang pet lover ay sobrang natuwa kami sa kabutihan ng puso ni Carla Abellana nang isinalba nito ang isang Aspin na nakita niyang nabangga ng sasakyan sa NLEX noong Lunes ng gabi, pauwi na galing sa taping.
Nadala sa kanyang dasal at ngayon ay kapiling na niya ito.
Wala pa raw siyang naisip na ipapangalan sa asong isinalba. Kaya tinatawag pa lang daw niyang “Puppy.”
May pakiusap pa si Carla sa kanyang IG post.
Aniya, “Everyone, please please break for animals on the road. I am begging you. And if you could save a life, please do.”
Tinext ko si Carla at tinanong kung ilang hayop nang naisalba niya sa kalye, na talagang hindi niya iniiwan. “Medyo marami na rin po pero karamihan po hinahanapan ko po ng rescuer. Kapag po hindi po kaya na, ako po mismo ang mag-rescue. Depende rin po kasi sa location tsaka sa timing or situation po.
“Kailangan po, dahil kung hindi ko po gagawin, sino po ang gagawa? Hindi po kakayanin ng konsensya ko,” text back ni Carla.
Active member pa rin ngayon ang actress sa PAWS o The Philippine Animal Welfare Society at sa isa pang organisasyon na may kinalaman sa protection ng mga hayop.
- Latest
