Julie Anne isip calendar girl

CEBU, Philippines — Ang Sparkle star ngasi Julie Anne San Jose maoy gilusad nga Ginebra's 2025 calendar girl ug nag-trending dayon ang iyang mga hulagway.

Atol sa paglusad niya isip calendar girl niadtong Miyerkules,  nidalit si Julie Anne og song and dance production numbers  samtang  gipakita sa dakong screen ang iyang  mga hulagway.

"I feel happy and grateful to be a part of the Ginebra San Miguel family. It’s truly an honor to represent a brand that has collaborated with exceptional women throughout the years,” Facebook post sa singer. 

Mohulip sa show sa uyab?

Niulbo ang chika nga posibleng makabaton og  lifestyle show si  Rhian Ramos sa GMA-7.Giingong mao kini ang ihulip  sa show sa iyang boyfriend  nga si Sam Verzosa nga Dear SV. Gikatahong mopahuway si Sam sa maong programa sa higayon nga magsugod na ang  campaign period karong Marso 2025. Nidagan si Sam pagka-mayor sa Manila.

Wala mabalaka

Kapin na sa duha ka dekada   ang singing career ni Nina. Giklaro sa singer nga wala ra siya mabalaka sa pagsulbong sa mga bag-ong  mag-aawit. Matud pa ni Nina nga naka-focus ra siya sa estilo sa iyang pagkanta ug wala siya maghuna-huna og kompetisyon.

Gipangandaman gyud

Todo effort gyud si Dennis Trillo sa pagpangandam sa iyang Japanese lines sa  Kapuso series nga “Pulang Araw”  .  Sa iyang Tiktok video, gipakita niya ang iyang pagtoon sa iyang linya  pinaabi sa pag-abag sa iyang Japanese language coach nga si  Ryo Nagatsuka. “Ang pinagdadaanan ng isang Hapon na koronel sa isang taping,”caption pa niya sa maong video.