Awit Maria – Season 2

CEBU, Philippines — Pormal na nga gipahibalo sa  mga tagdumala sa Awit Maria Song Writing Contest Season 2  ang pagpanawat og entries .

Nasayran nga pahinungod kini  sa Patrona sa Sugbo ,  ang Our Lady of Guadalupe de Cebu

Suma pa sa founder sa  maong kalihokan  nga si Barangay Guadalupe Councilor Cliff Yunson Racuya  nga ang Awit Maria kay nagtangag og mensahe nga mopalig-on og samot sa atong debosyon sa Balaang Inahan.Nagpakita usab kini kun unsa ka importante si Maria sa atong tagsa-tagsa ka kinabuhi.

Usa ka deboto si Racuya sa Mahal nga Birhen sa Guadalupe busa aktibo gyud siya sa pagsalmot sa mga relihiyosong kalihokan .

Siya usab ang choreographer sa award-winning nga Banauan Cultural Group.

Si Andro Banate ang event director sa maong songwriting contest.

Ang Season 2 sa Awit Maria kay kabahin sa nakalinya nga mga kalingawan alang sa 91st Fiesta Senora Celebration sa Archdiocesan Shrine of Our Lady of Guadalupe de Cebu karong Disyembre.

Bukas ang maong kompetisyon sa  tanang amateur ug  professional songwriters sa Sugbo.

Ang lyrics sa awit  kay   Cebuano, Filipino, o  English ug mahimo usab ang kombinasyon sa maong mga lenggwahe.

Kinahanglan nga original composition  gyud kini sa tawong niduso og  entry  ug wala gyud kini na-release kaniadto.

Dili usab  molapas og  4 minutos  ang matag awit ug ipadala kini sa  [email protected]   , samtang ang deadline sa pagduso sa entries kay karong Nobiyembre 15, 2024.