Mga bag-ong awit ni Angela madunggan na

CEBU, Philippines — Gipaambit sa  singer-songwriter nga si Angela Ken ang iyang  mensahe kalabot  sa paglaum ug gugma piaagi sa iyang back-to-back singles nga “Pansinin Mo Naman Ako” ug “Kulimlim.”

Ang unang single ni Angela mao ang “Pansinin Mo Naman Ako” kay  ubos sa Inspire Music nga nagtuyok sa pagsalig sa plano sa Diyos. Gisulat ni Jamie Rivera ang maong kanta samtang si Moy Ortiz sa The Company  maoy composer niini.

Samtang, iyang gihulagway  ang awit nga "Kulimlim" kay ang  sinsero nga gugma sa usa ka tawo nga andam niyang unongan taliwala sa mga pagsulay. Gisulat kini mismo ni Angela  ug giprodyus kini  ni Nhiko Sabiniano sa Nameless Kids ubos sa Tarsier Records.

 Bag-o lang nakita  si Angela isip  usa sa mga bituon sa musical nga "Once on this Island" ug "The 25th Annual Putnam County Spelling Bee." Una siyang nailhan sa dihang iyang gipaambit ang creative process luyo sa pag-develop sa iyang unang single nga "Ako Naman Muna" nga sikat kaayo. Sa 2022, gipagawas niya ang iyang self-titled debut album nga nakakuha og kapin sa 52 milyon streams  sa Spotify.

Ang Kapamilya artist nakadawat og lain-laing awards sama sa Awit Awards Best Inspirational Song alang sa "Ako Naman Muna" ug ang Catholic Mass Media Awards (CMMA) Best Secular Song alang sa "77ù Okay Not To Be Okay."

Ang mga bag-ong single ni Angela nga "Pansinin Mo Naman Ako" ug "Kulimlim" kay madungog sa  nagkalain-laing digital streaming platforms. 

BINI sa Vogue Philippines

Ang all girl group nga BINI maoy cover sa  November issue sa Vogue Philippines.  Gisul-ob sa mga miyembro sa maong grupo ang ilang  Louis Vuitton outfits.

Si  Renzo Navarro sa  Quezon City's Balara Content Studio maoy nagkuha sa ilang hulagway .

Gihisgotan sa  Vogue Philippines ang sinugdanan sa paghulma sa BINI kun diin nalakip na ang ilang trainings .

Gilainan matag pahina ang mga miyembro sa BINI nga gilangkoban nila ni Jhoanna, Gwen, Maloi, Sheena, Stacey, Aiah, Colet ug Mikha.

Josh Cullen mag-concert sa Cebu

Opisyal nga gianunsyo ni Josh Cullen nga dalhon niya dinhi sa Sugbo sunod buwan ang iyang  "Lost and Found" concert.  Nasayran nga pasok pud sa iyang concert tour mao ang Dubai ug Hong Kong .

Matud pa nga mahinungdanon kini nga proyekto sa singer ilabi na sa pagpakita sa iyang labok isip solo performer .

Gawas sa iyang pagka-miyembro sa grupong SB19, ang umaabot  niya nga concert tour kay mosangpot sa dugang  kahinam sa iyang  makapadasig nga musika ug walay kinutuban nga kusog alang sa iyang  fans sa tibuok kalibutan.

Human sa kalampusan sa "Lost and Found" Album Concert sa New Frontier Theater niadtong Septiyembre 29, nga nagtimaan sa opisyal nga paglusad sa debut album ni Josh , ang iyang  fans sa Visayas kay naghinam-hinam napud sa iyang konsyerto dinhi sa Sugbo.

Ang pop singer kay mopakita sa iyang talagsaong kahanas sa pagsayaw, pagkanta, ug stage performance  karong Nobiyembre 9 sa The Tent, Mandani, sa Dakbayan sa Mandaue . Gisugdan na niadtong  Oktubre 23 ang pagpamaligya sa ticket pinaagi sa  www.joshcullenofficial.com. Ang ticket packages mao ang mosunod: SVIP Package - P7,500; VIP Package - P5,500; Gold Package - P3,500; ug Silver Package - P1,500

Ang Lost and Found nga album nagpasiugda sa iyang talento isip usa ka dili basta -basta nga storyteller . Ang bag-ong single nga  "No Control," nagpakita sa nagkataas nga Filipino rock band (e)motion engine, samtang ang opisyal nga music video niini kay nagpakita sa direksyon ni Josh alang sa  pagdiskubre sa iyang kaugalingon. Mapaabot sa fans ang pagkanta niya og  "Silent Cries," "Honest," "Lights Out," ug ang viral hit nga "1999."  Sukad sa pagpagawas niini, ang album nakadawat og positibo nga feedback  gikan sa iyang  fans, ug nakaangkon og minilyon ka streams sa  Spotify. Sa sayong bahin ning tuiga, nakadaog si Josh og daghang  awards  ug nirepresentar sa Pilipinas sa Round Festival sa Korea. Gi-feature usab siya sa Grammy's Global Spin karong tuiga.

Miangkon sa relasyon

Gipublikar  na nila ni Kiefer Ravena ug Diana Mackey ang ilang relasyon . Si Diana mismo ang nikumpirar sa relasyon nila sa basketball player. Nakadayeg si Diana sa pagka-boutan  ni Keifer ug giatiman usab siya og sakto niini.

Nalandig sa tambalanan

Gisulod og balik sa tambalanan si Kris Aquino ug ipaubos napud kini og laing procedure. Giingong nagplano pa unta kini nga mosalmot sa relief operations alang sa mga naapektohan sa bagyo apan dili na kini madayon gumikan sa istado sa iyang panglawas.

Coco vs. Miguel

Gikatahong nangandam na ang GMA-7 sa teleserye nga iatbang nila sa  Batang Quiapo sa ABS-CBN.  Suma pa nga ang upcoming series nga Mga Batang Riles maoy iatbang sa teleserye ni Coco Martin. Ang mga bitoon sa Mga Batang Riles kay naglangkob nila ni  Miguel Tanfelix, Kokoy de Santos ug uban pa. —Sanden J. Anadia

Saving Grace karong Nobiyembre 28

Mosikad nasa Prime Video sugod karong Nobiyembre 28 ang Philippine adaptation sa hit Japanese series nga  "Saving Grace".

"There are no limits when it comes to a mother's love. 'Saving Grace' is coming on November 28, only on Prime Video,"  social media post sa Dreamscape Entertainment.

Si Julia Montes ang bida sa  "Saving Grace" ug kauban niya sila si Sharon Cuneta, Sam Milby, Jennica Garcia, Christian Bables,  Janice de Belen ug ang child star nga si  Zia Grace.