GMA Kapuso Foundation, nanawagan ng donasyon

Tuloy ang bayanihan para makapaghatid ng tulong ang GMA Kapuso Foundation sa mga nasalanta ng Bagyong Kristine.

Sa ngayon, naghahanda na ang GMAKF para sa mga isasagawang relief operation. Para sa mga gustong mag-donate, maaaring magdeposito sa bank accounts ng GMAKF o magpadala sa Cebuana Lhuillier. Puwede rin online via GCash, Shopee, Lazada, Globe Rewards at Metrobank Credit Card. Para sa iba pang detalye, bisitahin ang https://GMANetwork.com/donate.

Samantala, sinimulan din ngayong araw ng GMAKF ang Operation Bayanihan: Bagyong Kristine Telethon kasama ang ilang volunteers at Kapuso stars. Para sa mga nais humingi ng tulong, magpa-rescue, o magbigay ng pledges, maaaring tumawag sa (02) 8462-8111.

Mapapanood din ang telethon special sa GTV mula 2:30 hanggang 5:30 p.m. at sa programang Dapat Alam Mo! sa GMA 7 mamayang 5:30 p.m.