Dili uso ang formula sa kadaogan sa "magpasikat"

Dako ang pagtoo sa tanang hosts sa "It's Showtime" nga walay   formula alang sa pagdaog sa ilang tagsa-tagsa ka mga grupo sa "Nagpasikat".

Suma pa sa Phenomenal Unkabogable star nga si Vice Ganda nga dunay kauban nga  swerte ang pagkab-ot sa kadaogan.  "Parang wala namang formula. Bukod sa pahusayan, may kasama siyang swerte. Kasi minsan kahit ang husay-husay na ng mga kasama mo at kahit naghanda ka na, kapag minalas ka minalas ka," matud pa ni Vice. Samtang ang laing host sa maong show nga si Jhong Hilario nipadayag nga ang gihatagan nila og gibug-aton sa ilang pag-perform mao ang pagpadangat og mensahe  ug  kalingawan ngadto sa mga tawo.

"Walang formula. Para sa akin more on mapasa yung mensahe ng performance. Bonus na lang kung mapili kang champion, pero para sa lahat sa amin rito meron kaming gustong ihatid na mensahe sa madlang people. Masaya kami kung nakuha nila yun kahit hindi manalo," saysay pa ni Jhong.

Puwerting hilaka

Todo hilak si Jillian Ward sa katapusang adlaw  sa taping sa teleseryeng Abot-Kamay Na Pangarap sa niaging adlaw.  Nasayran  nga natapos na kagahapon ang maong Kapuso afternoon series. Matud pa ni Jillian mga mingawon gyud siya sa iyang mga kaubanan nga artista ug production crew sa Abot-Kamay Na Pangarap nga nilungtad og taas nga panahon sa ere.

Nangita og kamera 

Gimingaw na sa pag-arte atubangan sa kamera  ang award-winning  actress nga si Gina Pareño kinsa nagsaulog sa iyang  77th birthday  karong adlawa. “Buhay pa! Alive and kicking! Okay naman, masaya. Pero bilang ako, naghahanap ako ng ilaw, 'yung kamera 'yung ganun," saysay pa ni Gina ngadto sa ABS-CBN News.