2024 Gawad Pasado Awards: ABS-CBN nakalangkat og  11  ka mga pasidungog

CEBU, Philippines — Nakadawat ang ABS-CBN og 11 ka mga pasidungog gikan sa mga magtutudlo pinaagi sa  2024 Gawad Pasado Awards nga gipahigayon sa Philippine Christian University niadtong Oktubre 12 (Sabado). 

Big winner ang  pelikulang “Third World Romance” nga nakadaog og upat ka awards lakip na ang PinakaPASADOng Dulang Pampelikula, PinakaPASADOng Pelikula sa Pagkakapantay-pantay ng mga Kasarian, ug  PinakaPASADOng Pelikula. Gidawat usab sa bida niini nga si  Charlie Dizon ang tropeyo alang sa PinakaPASADOng Aktres tungod sa iyang impresibong performance sa maong pelikula.

Sila si Kathryn Bernardo ug Dolly de Leon, ang mga bida sa pelikulang “A Very Good Girl" kay  parehong gipasidunggan.Si  Kathryn ang nakadaog sa PinakaPASADOng Aktres award, samtang si Dolly ang gipasidunggan nga  PinakaPASADOng Katuwang na Aktres.

Nakadaog daog usab sa PinakaPASADOng Dangal ng Kabataan award ang girl group  nga BINI nga maoy nagpasikat sa mga kanta nga "Pantropiko" ug "Salamin, Salamin."

Sa laing bahin, ang seryeng "Dirty Linen" mikuha usab og tulo ka awards. Kini naglakip sa PinakaPASADOng Teleserye, PinakaPASADOng Aktres sa Telebisyon alang kang Janine Gutierrez, ug PinakaPASADOng Aktor sa Telebisyon alang kang John Arcilla.?

Giila usab si Paulo Avelino isip PinakaPASADOng Aktor sa Telebisyon tungod sa iyang talagsaong performance isip Victor sa seryeng “Linlang” nga gipasalida sa Prime Video.

Ang PASADO kay usa ka asosasyon sa mga magtutudlo gikan sa pribado ug pampubliko nga eskwelahan nga nag-review sa mga pelikula ug serye nga posibleng  magamit sa pagtudlo. Matag tuig, nagpahigayon kini og Gawad Pasado Awards aron pasidunggan ang mga modelo sa industriya.

KimPau movie  gitak-ang na

Gisugdan na ang preparasyon sa umaabot nga romantic-comedy nga 'My Love Will Make You Disappear.' Sila si Kim Chiu ug Paulo Avelino ang mga bida sa maong pelikula ug nahimamat na nila sa niaging adlaw ang production team sa maong proyekto alang sa usa ka panagtigom. Si Chad Vidanes ang direktor sa maong pelikula ug nalakip usab niini sila si  Wilma Doesnt, Lovely Abella, Karina Bautista, Martin Escudero, ug Benj Manalo. "My Love Will Make You Disappear. Coming soon!", Instagram post ni Kim.

Mosulod sa showbiz

Anak sa aktor nga si  Dennis Coronel ang usa  sa mga official candidatea sa Mr. Grand Philippines 2024 nga si  Mark Joseph “MJ” Macalintal.  Giangkon ni Mark nga gusto niya nga mahimong artista. Andam na siya mosulod sa showbiz industry sanglit nahuman naman niya ang iyang pag-eskwela ug mahimong tulin na ang iyang skedyul.

Nag-reunion

Gikalipay og maayo ni James Reid ang paglugwa niya isip guest sa It's Showtime sa niaging adlaw gumikan kay subli niya nga nahimamat ang higala niya nga si Ryan Bang kinsa usa sa mga host sa maong noontime show. Magsilbi kini nga  reunion nila ni James ug Ryan. Kahinumdoman nga nagkauban ang duha kaniadto sa Pinoy Big Brother 2010. Ni-guest  si James sa It's Showtime alang sa promosyon sa iyang new single nga "Sandal".

“Balota” ipasalida og balik karong Oktubre 16

Nakadawat og mainitonong suporta   ang bag-ohay lang nga  red carpet premiere sa pelikula ni Marian Rivera nga “Balota”.

Kahinumdoman nga ang maong pelikula kay  nahimong kabahin kaniadto sa  Cinemalaya 2024  ug tungod kay daghan ang nakuryuso , nahukman  nga ipasalida kini  nationwide karong Oktubre 16 inubanan  sa “new cut”.

Nitambong pud sa  premiere night sila si Will Ashley, Raheel Bhyria, Esnyr, Sassa Gurl, Donna Cariaga ug ang mga kadagkoan sa GMA Network.

Wala usab nagpaulahi sa maong kalihokan ang supportive nga bana  ni Marian nga si Dingdong Dantes.

Proud kang Alexa      

Gipasigarbo sa Kapamilya actor nga si KD Estrada ang dili basta-basta nga pag-arte ni Alexa Ilacad sa  pelikulang Mujigae.

Usa si KD sa mga nitambong sa movie premiere sa maong proyekto isip pagsuporta kang Alexa. Nakita gyud niya sa aktres nga naningkamot gyud alang sa maayong performance niini sa  pelikula busa proud gyud siya niini.