Julie at Stell, may pa-ultimate sound trip sa OPM lovers!
MANILA, Philippines — Handa nang dalhin nina Asia’s Limitless Star Julie Anne San Jose at Stell ng P-pop Kings na SB19 ang music lovers sa ultimate sound trip sa national television dahil mapapanood na ang kanilang two-day sold-out concert na Julie X Stell: Ang Ating Tinig sa GMA Network ngayong Biyernes, (Oct. 11) ng 9:30 p.m.
Ang Julie X Stell: Ang Ating Tinig na ginanap noong July 27 and 28 sa New Frontier Theater, ay nagpakita ng walang dudang talento ng dalawa sa greatest artists ng henerasyong ito, na nagtipun-tipon sa libu-libong fans at OPM lovers sa jam-packed venue.
Sa paglabas ng concert nila sa telebisyon, inaanyayahan nila ang Kapuso viewers na sumama sa kanilang paglalakbay – mula sa kanilang childhood crushes at first heartbreaks, hanggang sa tagumpay at kabiguan sa buhay nila – habang sineselebreyt ang OPM. Dagdag pa rito ay ang solo performance ng multi-talented artist ng SB19 member na si Pablo.
“As always, we hear your clamor. Those who missed the concert and those who still cannot get over it will be able to watch Julie X Stell: Ang Ating Tinig on national television as it airs on GMA Network this Oct. 11. This collab concert, made possible by GMA Synergy, GMA Entertainment Group, and 1Z Entertainment, is an event that Filipinos from various parts of the country and even abroad would not want to miss. So, get ready to sing along and enjoy your Friday night as we bring to you the concert everyone raved about,” sey ng Senior Vice President at Head ng GMA Integrated News, Regional TV, and Synergy Oliver Victor B. Amoroso.
Mula sa direksyon ng multi-awarded concert director na si Paolo Valenciano, naging posible ang Julie X Stell: Ang Ating Tinig sa pamamagitan ng collaboration ng GMA Synergy, GMA Entertainment Group, at 1Z Entertainment.
Kaya maghandang kumanta at sumayaw sa popular Pinoy hits mula noon hanggang ngayon sa Julie X Stell: Ang Ating Tinig na ipapalabas sa GMA Network sa Oktubre 11 ng 9:30 p.m.
- Latest
