Sequel sa JC-Bela movie gianunsyo na!

CEBU, Philippines — Gianunsyo kagahapon sa Viva Films nga subling magpares sa usa ka pelikula sila si Bela Padilla ug JC Santos nga ubos sa direksyon ni  Jason Paul Laxamana.

Nag-ulohan kini og  “100 Awit Para Kay Stella “  nga sequel sa pelikula  nila niadtong 2017  nga "100 Tula Para Kay Stella".

“Kumusta na kaya yung mga ginawa mong “mundo” noon?,” social media post sa  Viva Films. Kahinumdoman nga puwerting sikata kaniadto sa pelikula nila ni Bela ug JC .

Kylie nagpadungog-dungog kang Aljur?

Gisumsoman sa netizens   ang latest  social media   post ni Kylie Padilla nga  naghisgot sa kalidad sa  usa ka maayong leader.

 "A good indicator of a great leader is a man who can lead his family. That is his first unit, his first community,” suma pa sa aktres.

Nagkanayon si Kylie nga ang usa ka maayo nga leader kay kinahanglan nga loyal sa iyang kakpikas sa kinabuhi.

"A man who raises his kids with good values, integrity and humility. A man loyal to his wife and remains true despite obstacles. A man who has a heart close to God.Service is about what you can do for others, not what they can do for you,” dugang pa niya.

Pipila ka netizens ang naintriga sa post ni Kylie ug nagduda sila nga posibleng si Aljur Abrenica ang gipadungog-dungog niini.

Kanhi bana ni Kylie si Aljur kinsa nidagan pagka-konsehal sa Angeles City, Pampanga. Aduna sila’y mga anak nga sila si Alas Joaquin ug Axl Romeo.

Nanamilit sa Batang Quiapo

Upat ka mga karakter  sa teleseryeng  "FPJ's Batang Quiapo"  ang  nanamilit sa bag-ohay lang nga episode niini.  Kini naglangkob nila ni  Don Facundo (Jaime Fabregas), Bettina (Tessie Tomas), Katherine (Ara Davao) ug Marcelo (Nonie Buencamino).  Sa maong eksena , nanimalos  si Ramon (Christopher de Leon) ngadto sa pamilya ni Don Facundo  nga nisangpot sa pinusilay.

Misalmot sa bugnonglugaynon

Subli nga nisalmot sa politika ang aktres nga si  Marjorie Barretto ug nidagan kini og balik pagka-konsehal sa ikaduhang distrito sa Caloocan City. Kahinumdoman nga gihuptan niya ang maong susama nga posisyon niadtong 2007-2013 .Sa niaging adlaw, niduso usab sa   iyang kandidatura  isip second nominee sa  People’s Champ party-list ang beteranang aktres nga si Nora Aunor.Suma pa ni Nora nga gusto niya nga makatabang siya  sa iyang isigkatawo.“Ninenerbiyos ako talaga.Hindi ko po inisip na mapunta ako dito na magsasalita sa harap ninyo. Pero sa kagustuhan ko pong makatulong po sa ating mga kababayan, makatulong po sa mga kasamahan ko sa industriya ng musika, industriya ng puting-tabing, at sa entablado," matud pa ni Nora.

"Drip"

Gikatakdang i-release sa K-pop girl group  nga Babymonster ang labing una nila nga  full-length album karong Nobyembre 1 .  Ang maong album kay nag-ulohan og "Drip" ug duna kini  siyam ka mga kanta. Usa sa unod niini mao ang awit nga “Forever” . "I don't think anyone could resist not dancing to this song," suma pa sa executive producer sa YG Entertainment nga si Yang Hyun-suk .

Mga nanagan nga artista gipahimagnoan ni Aiko

Nipadangat og mensahe si Aiko Melendez  ngadto sa mga susama niya nga artista nga nisulod pud sa kalibotan sa  politika

Gitambagan niya kini nga  kinahanglan nga  nasayod sa klase sa trabaho nga ilang gisudlan sanglit ang katawhan maoy gialagaran niini.

Dugang pa ni Aiko nga ang pagka-artista kay dili igo  alang sa maong butang ug kinahanglan nga masayod usab sa ubang aspeto sa pagbaton og posisyon sa gobyerno sama sa pagpanday og mga balaodnon. “Like for me, nung unang pinasok ko ang pagiging konsehal nag-crash course muna ako sa UP-NCPAG for legislative work. Kasi hindi lang naman puro pagtulong ang ginagawa ng isang konsehal. Nagpapasa din ito ng mga batas at resolutions sa sinasasakupan mo. So let not be your name ‘as an artista’ ang maging bala ninyo. It is best to know what you are getting into," ni Aiko pa.

Kinahanglan matud pa nga  kinasing-kasing  gyud ang paghatag og serbisyo niini sa katawhan.

 “Kasi buhay ng tao ang at stake dito. Lahat naman natutunan at mapag-aaralan pero isapuso ninyo ang pagpasok sa pulitika kasi nakakaawa na mga tao na lagi nalang nagiging sabik sa totoong motibo at serbisyo mula sa ating mga artista.Para na din mas madami ang magtiwala sa ating mga artista na nagtratrabaho ng maigi para sa tao,” saysay pa sa aktres kinsa nagpapili  og balik pagka-konsehal sa ikalima nga distrito sa Quezon City.

Willie magpapili pagka-senador

Human sa taas nga panahon nga mipasumbingay  nga mosulod  sa kalibotan sa politika,  hingpit  na nga niduso kagahapon sa iyang kandidatura pagka-senador   ang TV host nga si Willie Revillame .  Suma pa ni   Willie nga  nakita gyud niya sulod sa taas nga katuigan ang mga tawo nga nag-antos gihapon  sa kapobrehon.

Gitataw sa TV host nga panahon na nga magpanday og mga balaod nga tinud-anay nga  maghaw-aw sa kalisod.    Pipila sa mga  programa nga gusto niya mahatagan og pagtagad  mao pagpangita og paagi nga matabangan ang katawhan sa pagpalit sa gimintinar nila nga tambal  ug uban pa.