Maris gidudahan nga rason sa breakup Anthony ug non-showbiz gf nagbuwag?
CEBU, Philippines — Gisumsoman karon sa netizens ang giingong mensahe sa non-showbiz girlfriend ni Anthony Jennings nga si Jam Villanueva gumikan kay naghisgot kini og kasakit sa kasingkasing ,ingon man usab og pagluib.
Nag-share og video si Jam nga dunay “hugot” quotes” busa nitumaw ang mga pagduda nga nagbuwag na sila ni Anthony.
"I will never forget your conversation with the girl you told me not to worry about,” tipik sa gipaambit nga linya sa uyab ni Anthony.
Laing mensahe nga iyang gipaambit kay nagkanayon, "'Girl instinct' is always finding out everything," "How disgusting I feel knowing however far I could be, there is always a feeling that you're not being loyal to me," and "Finding out what they did behind my back."
Duna pud siya’y mensahe kalabot sa pagsagobang og kasakit ,ingon man usab ang paghilak og maayo.
Pipila ka netizens ang nikomento sa mensahe ni Jam ug nipabuhagay og mga spekulasyon.
Adunay niingon nga posibleng dunay kalabotan si Maris Racal kun tinoud man gani nga nagbuwag sila si Anthony ug Jam.
Dunay mga nigawas nga pagduda nga posibleng na-develop sa usag-usa sila si Maris ug Anthony sukad nahulma ang ilang loveteam sa teleseryeng Can’t Buy Me Love. —SJA
"Rainbow Rumble" milangkat og bag-ong viewership record
Todo pasalamat ang TV Host nga si Luis Manzano ug Direk John Prats alang sa bag-ong all-time high viewership record sa programang “Rainbow Rumble” nga niabot og 519,495 combined peak concurrent viewers sa Kapamilya Online Live niadtong September 28 ug 29.
“Maraming salamat sa 519k+ na pagmamahal and for making #RainbowRumble the top trending topic this weekend, Kapamilya!,” post nila sa Instagram.
Niadtong higayona, pasok isip usa sa mga trending topic sa X ang OPM group nga BGYO . Niduwa sa maong show ang mga miyembro niini nga sila si Akira, Mikki, JL, Nate, ug Gelo.Nakadaog si Akira og P82,000 sa jackpot round.
Samtang , nisalmot pud ang PBA Motoclub members nga sila si Ryan Araña, Jerwin Gaco, Cyrus Baguio, KG Canaleta, ug Rico Maierhofer . Niabot og P80,000 ang nadag-an ni Ryan.
Makita ang "Rainbow Rumble" matag Sabado ug Dominggo , 7:15PM, sa Kapamilya Channel, Kapamilya Online Live, ug A2Z, ug 8:15PM sa TV5.
Liza mipasilong sa WILD
Gipaila na si Liza Soberano isip bag-ong talent sa global entertainment company nga WILD.
“We're so happy to welcome the talented Filipino-American actress Liza Soberano to our WILD family ,” Instagram post sa maong kompanya.
Base sa ilang website . aktibo ang WILD sa paghupot og talents sa Southeast Asia, South Korea, ug United States.
Sa wala pa nitapon sa WILD, nahimong artist si Liza sa kompanya ni James Reid nga Careless.
100M streams sa Spotify
Nakalangkat og kapin sa 100 million streams sa Spotify ang debut album sa grupong BINI nga "Born To Win".
Nagmaya og maayo ang mga miyembro sa maong grupo gumikan sa laing milestone sa ilang career.
Samtang gi-release na sa niaging gabii ang ikaduhang hugna sa ilang docuseries nga nag-ulohann og "Chapter 2: Here With You" .
Ang BINI kay gilangkoban nila ni Aiah, Colet, Maloi, Gwen, Stacey, Mikha, Jhoanna, ug Sheena.
Big project
Naghinam-hinam na ang aktor nga si Zanjoe Marudo alang sa usa ka proyekto nga iyang pagahimoon, Una na nga gikumpirmar sa Dreamscape Entertainment nga malakip ang aktor sa usa ka proyekto."Something lit is about to happen! Zanjoe Marudo is set to star in another Dreamscape Entertainment project. He is ready for a comeback that you shouldn’t miss! ,” social media post sa Dreamscape.
Netflix ang padulngan
Human sa kontrobersiya nga nasugatan sa pelikulang Dear Satan , niulbo karon ang chika nga ipasalida kini sa Netflix karong Disyembre. Matud pa sa nitumaw nga hungihong, murag hanap na kini nga ipasalida pa sa mga sinehan busa ideretso na lang kini sa Netflix. Kahinumdoman nga nakabaton kini og X-rating sa MTRCB (Movie and Television Review and Classification Board) sa duha ka reviews.
Malipayon sa present GF
Ang ex-boyfriend ni Karla Estrada nga si Jam Ignacio kay nipasalig ngadto sa bag-ong uyab niini nga sila na gyud forever. Gigamit niini ang linya sa kanta nga ,” I'm yours, always and forever." Pabiling nagkapahilom sila si Jam ug Karla sa rason sa ilang breakup kaniadto.
- Latest
