Basher ni Xyriel napalaw

CEBU, Philippines — Wala kapanukod ang basher sa Kapamilya actress nga si Xyriel Manabat  nga nagyaga-yaga  sa iyang hitsura.

Nasayran nga ang maong basher kay nileggua nga napuno na  sa retoke ang nawong sa aktres. Paukyab nga tubag ni Xyriel,"  “Sampu ba ilong ko?."

"Un/Happy for You" mikita og P450M

Gianunsyo sa ABS-CBN Films nga nikita og kapin sa P450 million worldwide  ang pelikula nila ni Joshua Garcia ug Julia Barretto nga "Un/Happy for You".

Malipayon ang mga bida gumikan kay nagtimailhan kini nga padayon sila  nga gikagat   sa publiko bisan paman nga nahilom kaniadto ang  ilang tandem.

Nalakip pud sa maong pelikula sila si Ketchup Eusebio, John Lapus, Kaila Estrada, Aljon Mendoza  ug Ana Abad Santos.

Lagom sa liog ni Ivana giintriga

Kalmadong gitubag ni Ivana Alawi ang nangintriga  kalabot sa lagom nga nilakra sa iyang liog.

Nasayran nga dunay ubang netizens ang nagduda nga posibleng lakra kini sa halok.

Apan giklaro ni Ivana nga  lagom ra kini nga inagian sa injection.

“Pasa yan galing sa injection. Hindi yung iniisip mo. Okay back to work,” niya pa.

Christine Bermas mobiya na sa paghubo

Moundang na sa pagpa-sexy atubangan sa kamera ang Vivamax actress nga si Christine Bermas.

Kasamtangan nga gi-promote sa aktres ang pelikula niya nga "Salsa ni L" ug gipahibalo  niya nga mao kini ang katapusan niya nga sexy project.

Matud pa ni Christine nga nananghid na siya sa Viva Entertainment kalabot sa iyang desisyon nga mopahuway na sa paghubo  atubangan sa kamera.

Tingoha sa aktres nga masuwayan ang laing level sa iyang career  kun diin  makita ang ka maayo niya moarte ug dili lang kutob sa pagpa-sexy. “Hindi naman sa napagod ako but then, gusto kong makilala nila ako na kaya ko rin ibigay ang acting talent ko. Gusto kong makita nila na hindi lang ako sa pagpapaseksi. Gusto ko na makita nila ang acting ability ko," matud pa niya.

Gibana -bana  nga dul-an sa  20 ka sexy projects  ang nasuwayan ni Christine kaniadto.

Nag-collab

Nag-uban ang sikat nga  P-Pop group nga SB19 ug  global group nga  KATSEYE sa  dance trend nga 'Touch.' Ang  maong dance video kay nakalangkat dayon og dul-an usa ka milyon ka views pipila ka oras gikan sa pag-upload niini.

Lahi ra

Gibutyag ni Jodi  Sta. Maria nga lahi ang atake niya sa  "Untold"  kumpara sa nangagi niya nga  horror films. Espesyal usab alang kaniya ang maong proyekto gumikan kay mao kini ang labing una niya niya nga horror movie sa Regal Films ug mapasalamaton siya sa maong movie outfit gumikan kay gitugyan kaniya ang usa ka dakong proyekto.

Tatak Pinoy

Nahugyaw ang mga hurado sa latest season sa  "The Voice" USA  sa performance sa Filipino singer nga si Sofronio Vasquez . Gituyokan kini sa upat ka  bangko sa mga hurado atol sa blind  auditions. Ang  "The Voice USA" coaches kay gilangkoban  nila ni Snoop Dogg, Michael Buble, Reba McEntire, ug Gwen Stefani. Gikanta niya ang  "I'm Goin' Down" ni  Mary J. Blige. Nakasalmot na si Sofronio kaniadto sa  "Tawag ng Tanghalan" sa It's Showtime.