Maris dili makatambong sa TIFF
CEBU, Philippines — Gibutyag ni Maris Racal nga final na ang iyang hukom nga dili motambong sa TIFF o Toronto International Film Festival gumikan kay duna na’y nakauna nga schedule nga angayan niya nga sundon.
Si Maris ang lead actress sa pelikulang "Sunshine" , ang nag-inusarang Filipino film nga nalakip sa TIFF karong tuiga.
Suma pa sa aktres nga nakaplastada na ang iyang shooting sa Italy alang sa umaabot nga Kapamilya series nga ‘Incognito’.
“I made a commitment kasi and this (‘Incognito’ shoot sa Italy) is booked na way early this year. I appreciate naman the production and ABS-CBN, they really tried to move things around for me ‘cause they know how important TIFF (Toronto International Film Festival) is for me. They really tried. They really tried to change the schedule but matagal na talagang naka-book 'yung Italy,” saysay pa ni Maris ngadto sa ABS-CBN News.
Hinoun motikang sa TIFF isip representante sa iyang pelikula mao ang direktor nga si Tonet Jadaone.
“I’ve moved on. Ang dami ko nang naiyak, I’m like okay lang ako,” hirit pa sa aktres.
Andrea nagpanikad kang Olivia
Usa ang aktres nga si Andrea Brillantes sa mga naghinam-hinam nga makatan-aw sa konsyerto ni Olivia Rodrigo dinhi sa Pilipinas karong Oktubre 5. "A lot of people have been mentioning me, yes I got the memo, yes nagpapanic na ako Nakalimutan na ng lungs ko mag-breathe. Oh. my. gosh. Hindi ako pwede magka-schedule ng Oct 5!!! Block off 'yan block off!!!!" nagkatawang gibutyag sa aktres.
Gipatawag sa NBI
Gipadalhan na sa National Bureau of Investigation (NBI) og subpoena ang kanhi TV5 News and Public Affairs production manager nga si Cliff Gingco . Aduna kini kalabotan sa reklamong sexual harassment nga gisang-at sa 22 anyos nga kanhi TV5 news researcher .Sa taho sa PEP , giawhag si Gingco nga mopatim-aw sa buhatan sa NBI karong Setyembre 23, 2024 aron pangayoan sa habig niini.
Suportado sa inahan
Suportado ni Jackie Forster ang lovelife sa iyang anak nga si Kobe Paras . Taod –taod na nga gidungog ang relasyon nila ni Kobe ug Kyline Alcantara. Sa Instagram, , nag-upload si Jackie og video kung diin makita ang pagrampa nila ni Kobe ug Kyline sa New York Fashion Week.
Taylor ug Sabrina nakadaog sa MTV Awards
Ang awit ni Sabrina Carpenter nga”Espresso”| maoy nakadaog isip Song of the Year sa bag-ohay lang nga MTV Video Music Awards 2024 nga gipahigayon sa UBS Arena didto sa New York.
"I've literally never won one of these. I feel so grateful to have truly the best fans in the world,” kabahin sa acceptance speech ni Sabrina.
Ang singer nga si Taylor Swift kay nominado sa 12 ka mga pasidungog. Si Taylor ang nakadaog isip Best Collaboration, Best Pop, Song of the Summer, Best Direction, ug Best Editing alang sa “Fortnight” . Siya pud ang nakadaog sa award nga Video of the Year alang sa nahisgotan nga awit .
Gipasalamatan usab ni Taylor ang iyang boyfriend nga si Travis Kelce sa pagsuporta niini sa iyang career.
“Something that I’ll always remember is when I finished a take and I’d say 'cut,' and we’d be done with that take, I would always hear someone cheering from across the studio where we were shooting it. That one person was my boyfriend Travis," niya pa.
Si Taylor pud ang napili nga Artist of the Year.
Samtang ang miyembro sa Blackpink nga si Lisa maoy nikulit sa Best K-Pop alang sa solo single niya nga “Rockstar”, ug ang breakout star nga si Chappell Roan kay ginganlan og Best New Artist ug gipahinungod niya kini ngadto sa iyang LGBTQIA+ fans.
"I dedicate this to all the drag artists who inspire me and I dedicate this to queer and trans people who fuel pop," niya pa.
Lorna mihulip kang Ate V
Gipahibalo na sa Quantuam Films ang tibouk cast sa horror film ni Judy Ann Santos nga Espantaho .
Si Lorna Tolentino ang makauban ni Juday sa maong movie project.
Gikatahong si Vilma Santos ang unang gitanyagan sa role ni Lorna sa “Espantaho” apan nakabaton kini og kakulian sa skedyul.
Nalakip pud sa maong pelikula sila si JC Santos, Mon Confiado, Nico Antonio, Janice de Belen ug Donna Cariaga.
- Latest
