Columbia at GMA Pictures, may bonggang partnership!
Bongga ang 2024 para sa GMA Pictures. Hindi lang isa, kundi dalawang pelikula agad nito ang nakatakdang i-release ng Columbia Pictures. Ang mga ito ay ang 2024 MMFF entry ng Kapuso Network na Green Bones at ang inaabangang KMJS’ Gabi ng Lagim: The Movie.
Present sa contract signing nitong Sept. 5 sina GMA Network Senior Vice President for Programming, Talent Management, Worldwide, and Support Group, at President ng GMA Films na si Atty. Annette Gozon-Valdes at GMA Pictures Executive Vice President at GMA Public Affairs First Vice President Nessa Valdellon. Pumirma naman para sa Columbia Pictures ang Managing Director nitong si Christopher Sy at Sales & Operations Manager na si Andra de Erquiaga Manas.
Full support din na naroon sa contract signing ang mga bida sa Green Bones movie na sina Dennis Trillo at Ruru Madrid.
- Latest
