Karla Estrada ug Korina Sanchez
CEBU, Philippines — Niulbo ang hungihong nga matud pa ganahan mobalik sa politika si Karla Estrada hinungdan nga mobiya na kini sa programa niya sa TV5 nga Face 2 Face.
Una na nga nigawas ang report nga posibleng pagka-mayor ang daganan ni Karla sa usa ka dapit sa Leyte.
Tak-om pa ang aktres kalabot sa maong nikatap nga taho.
Nitumaw pud ang mga istorya nga si Korina Sanchez ang gidungog nga ihulip kang Karla isip host sa Face 2 Face kun modayon ang aktres sa pagbiya sa maong programa. - SJA
Malipayon sa usag-usa
Giangkon sa Kapuso actress nga si Kate Valdez nga malipayon sila ni Fumiya Sankai sa usag-usa. Wala hinoun niya gidirekta ang paghulagway sa tinud-anay nila nga estado. Una na nga nabalita dinhi sa Banat News Hugyaw sa niaging semana nga nag-uban sila si Kate ug Fumiya sa pagsuroy sa Hong Kong Disneyland.
Nanamilit sa TV Patrol
Nanamilit na isip anchor sa TV Patrol ang veteran broadcast journalist nga si Henry Omaga-Diaz. Nasayran nga mobalhin og puyo si Henry didto sa Canada kauban ang iyang pamilya . Nahimong kabahin si Henry sa ABS-CBN News sulod sa 33 ka tuig.
Bag-ong slogan
Gihangop sa MYX ang nagkadaiyang kausaban sa pagdalit sa musika. Gilusad niini ang bag-o nila nga slogan nga, "Beat of Our Culture". Plano sa MYX nga ilusad og balik ang VJ search, ingon man usab ang MYX Music Awards.
- Latest
