Mirampa sa New York

CEBU, Philippines — Nilarga sa New York si Miss Universe Philippines 2023 ug Sparkle beauty queen Michelle Marquez Dee. Adunay bag-ong  proyekto si Michelle sa maong dapit nga dunay koneksyon sa iyang modeling  career. Mapasalamaton ang beauty queen sa nagsagunson niya nga mga proyekto karong panahona.

Birthday party

Nagmaya   si  Sanya Lopez human siya gidalitan sa iyang fans og surprise birthday party.  Ang grupo sa  iyang fans kay gitawag og Sanya Warriors.  Susama sa debut party ang konsepto sa  selebrasyon sa iyang birthday,  “Nasurprise po talaga ako. In fairness sa lahat ng ginawa ninyo. Ang galing na di ko talaga nahalata. Naipaready nyo pa ang gown ah ,” matud pa ni Santa.

Ybrahim magpadayon sa “Sang’gre”

Magpadayon ang  Kapuso actor   nga si Ruru Madrid  sa iyang    “Encantadia” character  nga Ybrahim  alang sa  Kapuso series  nga  “Sang’gre.” Nag-post og hulagway si Direk Mark Reyes sa Instagram kun diin kauban niya si Ruru ug ang   leading lady  niini nga si Kylie Padilla.

Mariah namatyan og inahan ug igsuon sa susama nga adlaw

Masulub-ong gibutyag sa singer nga si Mariah Carey nga nipanaw ang iyang inahan nga si  Patricia ug ang igsuon niya   nga si Alison  sa susamang adlaw niadtong weekend.

Gikumpirmar kini sa singer sa pinaagi sa statement niini nga gipadangat niya ngadto sa People Magazine.

"Sadly, in a tragic turn of events, my sister lost her life on the same day," suma pa ni Mariah.

Nihangyo siya  nga respetoon ang iyang privacy  sa sitwasyon nga iyang gisagobang karon.

"I appreciate everyone’s love and support and respect for my privacy during this impossible time,” dugang pa niya.

Sa pagsulat niining balitaa, wala pa mohatag og detalye ang singer kalabot sa rason sa kamatayon sa iyang inahan ug igsuon.

Kanhi Juilliard-trained opera singer ug  vocal coach ang inahan ni Mariah, ug nagsilbi kini nga inspirasyon sa pagsugod sa iyang music career. Gani ni-click ang pag-perform nila ni Mariah ug Patricia sa awit nga  "O Come All Ye Faithful/Hallelujah Chorus” niadtong  2010. 

Cindy duha ka tuig na nga single

Gitataw ni Cindy Miranda nga wala ra siya magdali nga makabaton og hinigugma sanglit nag-agad ra gyud siya sa dagan sa panahon  alang sa pag-abot sa tawo nga makapapitik sa iyang kasing-kasing.

Matud pa sa aktres nga duha ka tuig na siya nga single ug  malipayon ra ang iyang kinabuhi  ilabi na nga naa ra kanunay ang presensya sa iyang mga higala .

Nakaponting karon  ang iyang atensyon sa iyang  career.

Usa sa gikabisihan karon ni Cindy  mao ang promosyon sa  pelikula nila ni Kiko Estrada nga  "40"

Ang maong proyekto kay ubos sa Viva Films.

Echo mitambong  sa birthday party  sa lola ni Janine

Usa si  Jericho Rosales sa mga bisita sa  birthday party sa  OPM legend  nga si  Pilita Corrales, apohan sa aktres nga si Janine Gutierrez nga kasamtangang gidiskartehan sa aktor.

Sa nikatap nga  video sa social media , gidalitan ni Echo og awit si Pilita  nga  nag-ulohan og  "Change The World."   

“It’s an honor to be here. I am going to sing a song for you, it's called 'Change The World' because my mother sings your songs and Janine knows about this,” matud pa sa aktor.

Una na nga giangkon ni Jericho nga naa na sila sa  dating stage ni   Janine. Magkauban ang duha ang sa  upcoming  Kapamilya  series nga  "Lavender Fields." 

Dili na mabangbang ang ka-sweet

Nag- viral  karon sa social media ang "kandong" video sa gidungog nga mag-uyab nga sila si  Kyline Alcantara ug Kobe Paras.

Makita usab sa maong video nga gihagkat ni Kobe si Kyline atol sa ilang videoke session.

Gikanta ni  Kobe ang  "Hinahanap-hanap Kita" samtang nakalingkod si  Kyline sa iyang paa.

Kahinumdoman nga wala'y puas ang  ka-sweet sa ilang mga aksyon.