Bea miklaro sa iyang status

CEBU, Philippines — Gitak-opan na ni Bea Alonzo ang intriga nga matud pa duna siya'y bag-ong boyfriend. Matud pa sa aktres nga single siya karong panahona. Kahinumdoman nga na-link si Bea sa usa ka negosyante. Giangkon hinoun sa aktres nga dunay  mga nanguyab kaniya.

Karina misulod sa Philippine Navy

Hingpit na nga usa ka Philippine Navy Reservist ang aktres nga si Karina Bautista  human niya nakompleto ang  Basic Citizen Military Course (BCMC).

Nahitabo niadtong Sabado ang seremonya alang sa hingpit niya nga pagdawat sa iyang obligasyon.

"SN1 Karina Bautista PN (Res) from BCMC CL 09-24ph," Instagram post sa aktres.

Producer sa "Dear Satan" nag-sorry

Nakadawat og mga pagsaway  ang upcoming movie  ni Paolo Contis gumikan sa titulo niini nga  “Dear Satan”.

Nangayo og pasaylo ang  Mavx Productions, Inc.  gumikan sa gigamit nila nga pulong sa ilang proyekto.

“It was never our intention to hurt or disrespect anyone’s religious beliefs. Our aim has always been to create content that entertains while conveying meaningful messages,” saysay pa sa  Mavx Productions.

Niulbo ang taho nga posibleng hulipan ang titulo sa maong pelikula gumikan sa negatibong reaksyon nga nadawat niini.

PBB Season 1 housemates nag-reunion

Nagkatapok  og balik  sa niaging adlaw ang housemates sa  "Pinoy Big Brother" Season 1 isip pagsaulog sa 19 ka tuig nila nga panaghigalaay.

Nitambong sa reunion sa original housemates kay sila si  Say Alonzo , Nene Tamayo, Cassandra Ponti, Racquel Acosta, Chix Alcala, Jason Gainza, ug Sam Milby.

Nagpasalamat si Cassandra sa iyang mga ka-batch sa PBB gumikan kay naningkamot gyud kini nga magkatapok sila og balik.

"Thank you for today HOUSEMATES. I really can't believe, it's been 19 years and still counting. I love you ALL. Until next time and sana COMPLETE na tayo. See you soon agai Happy 19th to US", Instagram post ni Cassandra.

Ang unang  season sa  PBB kay nagsugod niadtong  Agosto 21, 2005. 

Proud sa hinigugma

Gipasigarbo ni Edgar Allan Guzman ang iyang hinigugma nga si  Shaira Diaz nga nigradwar sa kolehiyo sa niaging semana. Nakahuman si Shaira og marketing course sa  University of Perpetual Help sa Las Piñas. "Nakita ko kung pano mo pinaghirapan ‘to. Kahit walang tulog ok lang matapos mo lang pag aaral mo. Nakaka-proud ka. Isa ako sa pinakamasayang tao para sa’yo. Ikaw ang idol ko," mensahe  ni Edgar Allan alang kang Shaira.

Fake photo

Gibutyag  ni Ogie Diaz  nga peke ang nikatap sa social media nga giingong  kissing photo ni Bimby Aquino.  Nasayran nga sa maong hulagway, makita nga dunay  duha ka  lalaki nga naghalok ug tataw nga gi-edit ra kini.

Breakup issue gihimakak

Hugtanong gihimakak sa singer nga si Regine Velsque ang niulbo nga intriga nga matud pa nagbuwag sila sa iyang bana nga si Ogie Alcasid. Aminado si Regine nga napungot siya sa maong taho. Gitataw sa singer nga bisan unsaon, dili gyud matumpag ang ilang kaminyoon.“Hindi po kami maghihiwalay, ever, because we love each other,” ni Regine pa.