Pia todo dayeg sa bana

CEBU, Philippines — Gipabuhagay  ni Pia Wurtzbach pinaagi sa  social media ang iyang pagdayeg  ngadto sa iyang bana nga si Jeremy Jauncey.

Puwerting lipaya ni Pia sa pagtikang  nila ni Jeremy  didto sa Los Angeles, California. "Spent the last three weeks with my best friend and life partner pretty much joined at the hip ,” niya pa.

Nakita matud pa niya ang pagka-kugihan sa iyang bana ilabi na sa pagdumala sa kompanya niini.

  "Jeremy’s been working hard…probably the hardest and most focused I’ve ever seen him. He doesn’t post about it a lot but this man has been working nonstop on some exciting progress and growth for @beautifuldestinations. I’m so proud," dugang pa sa beauty queen.

Nakita usab ni Pia nga suportado gyud siya kanunay sa iyang gipangbuhat. "Excuse the cheese but I’m just so grateful to have a partner who lets me fly , and reach for my goals!" ni Pia pa. 

Love triangle gikagat

Nahimout og maayo si Cherry Pie Picache sa  iyang mga eksena sa FPJ’s Batang Quiapo kun diin kanunay niya nga ka-engkwentro  sila si Mercedes Cabral ug John Estrada.  Nasayran nga gikagat sa viewers ang ilang love triangle.  "Medyo nag-trend talaga yung Lena-Rigor-Marites,” matud pa ni Cherry Pie.

Anak nila ni Aljur ug AJ?

Gisumsoman sa mga chismosa ang nikatap nga hulagway sa mag-uyab nga Aljur Abrenica ug Aj Raval  kun diin makita nga duna sila’y kauban nga batang babaye.   Dunay uban nga nakuryuso sa maong hulagway ug nagduda nga posibleng anak nila ni Aljur ug AJ ang maong bata.  Una na nila gihimakak kaniadto ang taho nga duna sila’y anak.

Lisod nga eksena

Giangkon ni Andrea Brillantes nga usa sa labing lisod nga trabaho niya sa mga taping mao ang pagsagpa sa iyang  co-star.    Sama na lang sa pagsagpa niya ngadto kang Dimples Romana sa  hit series nga "High Street .  "Some of the most difficult scenes to perform as an actor are scenes like these. Grabe it’s my first time ever to ever sampal a veteran actress like Ate Dimples Romana, and wow, what an honor! Before, I was always the one getting slapped in Kadenang Ginto, at ngayon nakabawi na din ako… CHAROT LANG ATE! I LOVE YOU SO SO MUCH," Instagram post sa aktres. 

Mutya ng Cambaro 2024 nagmalampuson

Napuno sa kalingawan ang bag-ohay lang nga   Mutya Ng Cambaro 2024     nga gidumala sa  Sangguniang Kabataan sa Barangay  Cambaro sa Dakbayan sa Mandaue nga gipangulohan ni SK Chairman Charles Antigua.

Nagsilbing pageant director niini mao si   Jay-r Yosores  kinsa nipasigarbo sa  hugyaw   nga dagan sa maong indigay sa niaging gabii nga gipahigayon sa basketball court sa maong dapit.

Ang maong pasundayag gilangkuban sa 15 ka mga hurado   nga  sila si  Carlo Abaquita, Mark Noval, Hon. Sophia Marababol, Ricardo Dublado, MJ Jordan, Ms Angcool, Ryan Mark Borinaga, Atty. Selwin Prada, Maria Karla Boscono, Jamie Javie, Ginee Louw, Hon. Christella Perez, Gio Jay Branzuela, Hon. Keith Justine Tibon ug ang Chairman sa Board of Judges nga si The Freeman reporter  Michelle Palaubsanon.

Ang kanhi Mr. Cebu  nga si  Borgie Cabigas maoy host sa  Mutya Ng Cambaro 2024.

Nagmadaogon sa  maong indigay mao sila si (L-R)  Dhanna Endrina  (3rd Runner-up), Dennis Clair (2nd runner-up) Alexa Cuadero (Mutya ng Cambaro 2024), Kyle Annika Raboy (1st runner-up) , Nina Marie Toring (4the runner-up).

Gerald Santos, biktima sa pagpanglugos

Sa gihimong senate hearing   kagahapon, emosyonal nga gibutyag sa  singer nga si Gerald Santos  nga  biktima siya sa pagpanglugos . “Ako ay na-rape po, your honor,” ang  rebelasyon sa  singer-actor .

Matud pa sa singer nga   kanhi  musical director sa usa ka TV network ang nanglugos kaniya, 19 ka tuig na ang nilabay.

Gipangutana ni  Sen. Jinggoy Estrada si Gerald ang kalabot sa nahitabo niini. “Handa po akong ikwento dito ang nangyari, pero ako po ay natatakot na baka po ako ay balikan ng mga taong ito,” nagkanayon si Gerald.

Matud pa  ni Gerald  nga nahitabo  ang pagtamas-tamas kaniya kay niadtong 2005 kun diin 15  anyos pa siya niadtong higayona. Tingoha sa singer nga mapasakaan og kaso ang maong kanhi musical director. 

Kasong rape batok sa GMA independent contractors gisang-at  na sa DOJ

Pormal  na nga gipasakaan og kasong rape  ni Sandro Muhlach  ang duha ka GMA independent contractors ug giduso ang maong reklamo kagahapon sa buhatan sa Department of Justice . Gikuyogan si Sandro sa iyang amahan nga si Niño Muhlach alang sa pagduso sa kaso batok nila ni Jojo Nones ug  Richard Cruz.

"Finally, umabot na kami sa araw na ito na we’re finally filing a case and onwards… siyempre magkakaroon na ng mga court hearing and siguro soon makakamit rin namin 'yung justice, which Sandro deserves," matud pa ni Niño.

Suma pa sa aktor nga nakita gyud niya ang lisod nga kahimtang sa iyang anak nga halos walay tarong tulog tungod sa nahitabo niini.

"Parang nakaluwang-luwang sa dibdib dahil umabot na tayo sa araw na ito. Ambigat kasi nakikita mo ‘yung anak mo araw-araw na nagsa-suffer, di makakain, di makatulog," dugang pa sa aktor.  Una na nga gihimakak sa duha ka  independent contractors ang   reklamo  nga gisabwag kanila.