Gerald tumanggap ng medalya sa Coast Guard, kakilala ‘di naniniwalang ikinasal na sila ni Julia
![Gerald tumanggap ng medalya sa Coast Guard, kakilala �di naniniwalang ikinasal na sila ni Julia](https://media.philstar.com/photos/2024/08/08/111_2024-08-08_22-36-39.jpg)
Kinilala ng Philippine Coast Guard (PCG) nitong Huwebes si Auxiliary Commander Gerald Anderson sa kanyang kabayanihan sa gitna ng pananalasa ng Super Typhoon Carina at ang grabeng pagbaha na idinulot nito sa National Capital Region (NCR) noong nakaraang buwan.
Sa isang seremonya, pinuri ni PCG Commandant Admiral Ronnie Gil Gavan si Gerald para sa kanyang “selfless service” sa kanyang pagliligtas sa mga nakulong na residente sa gitna ng pagbaha sa Barangay Santo Domingo sa Quezon City.
Dahil dito, nakatanggap si Gerald ng Search and Rescue medal mula sa PCG.
In all fairness, lumusong ang aktor sa baha noon na ‘di natakot sa leptospirosis.
Samantala, hindi naman naniniwala ang isang source na secretly married na sina Gerald and Julia Barretto.
Dudang-duda siya tungkol sa ikinakalat ng iba na diumano’y ikinasal na sila sa abroad kaya kasama ni Julia ang pamilya nang bumiyahe sila sa Amerika at namasyal kung saan nga pinasalamatan ni Marjorie Barretto ang actor sa pagiging leader umano nito ng kanilang grupo.
- Latest