Star Magic mipahimangno batok sa mga  scammer

CEBU, Philippines — Giawhag karon sa  Star Magic nga  magbinantayon  ug dili magpalimbong  sa nagpaaron-ingnon nga mga indbidwal  nga nag-umol  og mga peke nga audition. Suma pa nga dunay mga peke nga audition nga nagdalit og sexy project.

“We have been made aware of an ongoing scam targeting artists and colleagues in the entertainment industry, wherein the name of Star Magic head Laurenti Dyogi is being falsely used to solicit auditions for a non-existent daring or sexy film project. We want to stress that there is no such project and Star Magic does not conduct auditions that require anyone to engage in compromising acts,” tipik sa statement sa Start Magic. Gitambagan niini ang publiko nga dili tubayan ang  mensahe sa  mga mangigilad ug kanunay nga likayan ang paghatag  nila og personal nga mga  impormasyon ngadto sa mga scammer.

Pelikula ni Maris ipasalida sa Toronto International Film Festival

Makabaton og world premiere sa  49th Toronto International Film Festival (TIFF) ang umaabot nga pelikula ni Maris Racal nga  "Sunshine".

Ang "Sunshine" kay nalakip sa listahan sa  Centrepiece section  ug pasok usab niini ang mga pelikula nga gikan sa  Algeria, Australia, Belgium, Canada, Chile, USA,  China, Colombia, France, Germany, Indonesia, Nigeria, Panama, Poland, Singapore, Spain, ug Sweden.

Puwerting lipaya  ni Direk  Antoinette Jadaone sa kalamboan sa "Sunshine".

"It’s out!!!! SUNSHINE’s world premiere is at TIFF (Centrepiece section) ... sorry na ma first time ko ... thank you everybody who helped me develop and make this," social media post sa direktor.

Mahitabo ang  49th Toronto International Film Festival karong  September 5 hangtod sa 15.

Hulga sa terorismo Concert ni Taylor sa Austria  gikanselar

Gikanselar ang tulo ka mga show ni Taylor Swift nga kabahin sa iyang  "Eras Tour" sa  Vienna, Austria human nakadawat  og taho  nga dunay  giplano nga  terrorist attack sa concert venue .

Giingong  nag-ugat ang maong taho gikan sa duha ka mga inbidwal   nga gidudahang  dunay koneksyon  sa ISIS.

"Taylor Swift | The Eras Tour Vienna Shows cancelled due to government officials' confirmation of planned terrorist attack. With confirmation from government officials of a planned terrorist attack at Ernst Happel Stadium, we have no choice but to cancel the three scheduled shows for everyone’s safety,” suma pa sa  statement sa concert promoter  nga Barracuda Music.

Matud pa nga makadawat ra og refund ang mga tawo nga nakapalit og tickets.

"All tickets will be automatically refunded within the next 10 business days," tipik sa statement.

Sa taho sa  BBC, ang maong duha ka mga suspetsado  kay nasikop sa mga otoridad  didto sa  Ternitz, Austria ug nalakip  na niini  ang  19 anyos nga  Austrian national.

“According to the current status of the investigation, the two suspects became radicalized via the internet,” suma pa ni General Director for Public Security nga si  Franz Ruf .

Ang  suspetsado  kay giingong nakig-alyansa  sa ISIS niadtong Hulyo.  Gihimo dayon ang  major police operation sulod sa balay sa supetsado   kun diin nadiskubrihan  ang  chemical substances .