Malangan ang pagbalik sa Australia Diana nasangit sa mga proyekto
CEBU, Philippines — Kagahapon diay unta mobalik si Diana Zubiri sa Australia apan wala kini nadayon gumikan kay nakadawat siya og TV project dinhi sa Pilipinas. Taod-taod na nga nagbase si Diana sa laing nasud kauban ang iyang pamilya ug nitikang lang siya sa Pilipinas alang sa usa ka buwan nga bakasyon.
Wala niya damha nga malakip siya sa Kapuso series nga Mga Batang Riles kun diin makauban niya sila si Miguel Tanfelix, Kokoy de Santos, Eva Darren,Bruce Roeland, Raheel Bhyrria, Antonio Vinzon, Ronnie Ricketts, Jay Manalo, Desiree del Valle, ug Zephanie.
Gawas sa maong acting project, duna pud siya’y nadawat nga endorsement ug dugang TV guestings .
Francine na-starstruck kang Ji Chang Wook
Human na-starstruck , wala gyud kapugong si Francine Diaz sa iyang kaugalingon sa pagpahulagway kauban ang South Korean actor nga si Ji Chang Wook.
Gipasigarbo ni Francine ang maong hulagway ug gi-post niya kini sa iyang Instagram story.
Kahinumdoman nga nitikang dinhi sa Pilipinas ang aktor alang sa iyang fans day sa niaging adlaw.
Gihangop sa mga Pinoy
Dili masukod ang gibating kalipay ni Kim Ji Won human gidagsaan sa iyang Pinoy fans ang event niya dinhi sa Pilipinas sa niaging adlaw, Sa iyang opening number , gikanta ni Kim Ji Won ang "Stupid Cupid" nga gikanta niya sa iyang 2011 series nga "What's Up." Ang labing ulahi nga proyekto ni Kim Ji Won mao ang hit Korean drama nga "Queen of Tears," . Nalakip usab siya kaniadto sa "Descendants of the Sun," "Fight For My Way," "Lovestruck in the City," ug "The Heirs."
Therese natangtang sa PBB
Si Therese Villamor ang natangtang sa "Pinoy Big Brother Gen 11"sa niaging gabii. Siya ang nakaangkon sa labing ubos nga combined votes sa “ save” ug “evict” nga dunay 16.22 %. Ang ubang nominado niadtong higayona mao sila si Noimie Steikunas (22.57 %) ug Dylan Yturralde( 40.06 %).
Baby shower
Nakadawat ang singer nga si Angeline Quinto og surprise baby shower gikan sa iyang mga higala ug management team. Nakugang si Angeline gumikan kay nagtoo siya nga igo ra siya motikang sa usa ka farm sa Lipa, Batangas ug dinhi nagpahipi ang surpresa alang kaniya. Babaye ang umaabot nga anak sa singer.
Kris gibisita ni Jed
Gibisita ni Jed Madela si Kris Aquino ug ang mga anak niini nga sila si Josh ug Bimby didto sa Amerika.
Gikalipay og maayo nga makakita og balik sa Queen of All Media .
“We had a lot of catching up to do,” tipik sa iyang Instagram post.
Young Adelina nauyonan sa viewers
Nakadawat og mga pagdayeg gikan sa viewers sa Kapuso series nga "Pulang Araw" ang acting performance sa child star nga si Cassy Lavarias.
Siya ang nidala sa papel nga Young Adelina o batang karakter ni Barbie Forteza.
Kasagaran sa nadawat niya nga reaksyon mao ang natural niya nga pag-arte ug ang pagkamangtas niini mohilak atubangan sa kamera.
Anne paborito ni Shawie
Gibutyag ni Sharon Cuneta nga usa si Anne Curtis sa mga paborito niya nga artista gumikan sa maayong batasan niini. Nagkadungan ang flight nila ni Sharon ug Anne padulong sa California alang sa special show sa ASAP sa maong dapit ug todo gyud ang ilang pagtabi.
“I LOVE @annecurtissmith !!! Always have. Anne is so real and so beautiful that’s why she is one of my favorites! ," Instagram post ni Sharon.
Philippine Association of the Record Industry
BINI nakadawat og album recognitions
Nagmaya ang girl group nga BINI human kini nakadawat og album recognitions gikan sa Philippine Association of the Record Industry (PARI).
“Oh shux talaga ang feels sa Islang California as we received back-to-back album recognitions from the Philippine Association of the Record Industry (PARI)!,” social media post sa maong grupo .
Ang album nila nga ‘ Talaarawan' kay certified Gold and Platinum, samtang ang Feel Good kay certified Gold.
Gipasalamatan nila ang ilang fans nga maoy rason sa ilang kalamposan.
“Let’s cherish these milestones together! 2.. 3.. MARAMING SALAMAT PO!” dugang pa niini.
Gilangkoban ang BINI nila ni Jhoanna, Aiah, Colet, Maloi, Gwen, Stacey, Mikha, ug Sheena.
- Latest
