“Miss”

CEBU, Philippines — Gi-release na niadtong weekend  ang bag-ong awit sa Kapamilya artist nga si  Darren Espanto. Nag-ulohan kini og  "Miss" nga ubos sa Star Music .  Madungog ang "Miss" sa nagkadaiyang digital streaming platforms, samtang  ang  lyrics video niini kay naka-upload sa  official YouTube channel sa  Star Music.

Wala  gihapon magtingog

Wala gihapon diay magtingog ang  choreographer nga si  Georcelle Dapat-Sy ug ang singer nga si Sarah Geronimo. Si Georcelle maoy  founder sa G-Force ug  ang maong grupo maoy kanunay nga partner sa mga nangaging konsyerto sa singer , gawas lang niadtong 2023 .  Una na nga gidungog nga wala magkasinabot ang duha ka kampo  sa niaging tuig.

Birthday surprise

Gisurpresa si Eugene Domingo sa iyang mga kaubanan sa iyang upcoming comedy film "And The Bread Winner Is" atol sa iyang birthday sa niaging adlaw.   Nahitabo kini sa set mismo sa maong pelikula.  Nangulo sa maong birthday surprise mao ang "Unkabogable" superstar  nga si Vice Ganda.

'Pulang Araw'  nag-una sa Netflix

Ang bag-ong Kapuso series nga 'Pulang Araw'  maoy  no. 1 sa listahan sa   Netflix alang sa  'Top 10 TV shows sa Pilipinas   niadtong  weekend.

Gibitoonan  ang  maong serye nila ni  Alden Richards ,Barbie Forteza, Rhian Ramos,  Sanya Lopez, David Licauco,  ug Dennis Trillo  .

Sinulat ni  Suzette Doctolero ang  “Pulang Araw” ug ubos kini sa direksyon ni Dominic Zapata.

Daniel dunay bag-ong uyab?

Nikatap karon ang chika nga matud pa duna na'y bag-ong  girlfriend  si Daniel Padilla ug  giingong ginganlan kini og Amanda.

Gikatahong mao kini ang rason nga  inspired kaayo  karong panahona ang aktor .

Pabilin nga tak-om ang kampo sa ni Daniel kalabot sa maong taho.

Kahinumdoman nga ang katapusang nauyab ni Daniel mao ang aktres nga si Kathryn Bernardo apan nagbuwag sila niini sa niaging tuig.

Lady Gaga ug Michael Polansky engaged na

Engaged na ang singer  nga si  Lady Gaga ug ang iyang hinigugma nga negosyante  nga si   Michael Polansky.

Nag-ugat ang maong impormasyon  sa dihang gipaila-ila ni  Lady Gaga si Michael  ngadto sa  Prime Minister  sa France nga  si Gabriel Attal atol sa panagkita nila sa  2024 Paris Olympics.

 Sa TikTok video sa prime minister, makita ang panagkita  nila ni  Lady Gaga sa Olympic swimming competition niadtong Dominggo. Aduna kini  caption nga, "Thank you Lady Gaga for your stunning performance at the opening ceremony. It was breathtaking."

Human sa pagbeso-beso nila ni  Lady Gaga ug Attal , gipangutana ang singer kun kinsa ang kauban niini .

Nitubag si  Lady Gaga og  "my fiancé," dungan sa pagtudlo kang  Michael . 

Ruru emosyonal sa final episode sa Black Rider

Wala kapugong  ang “Black Rider” lead star Ruru Madrid  sa pagtulo sa iyang luha samtang  nagtan-aw sa  final episode sa nahisgotan nga Kapuso series.

Gipaambit ni Jon Lucas sa Facebook   ang video ni  Ruru  atol sa ilang  watch party niadtong Biyernes sa gabii.

“Black Rider niyo umiiyak. Nakonsensya siguro sa pagbugbog niya sa akin.PROUD OF YOU!!!! Nakakaiyak naman talaga! Kaya umalis ako kagabi kunwari wala signal lumabas ako,” Facebook post ni Jon. 

Asawa ni Elvis mipanaw

Nipanaw niadtong Sabado  ang 38 anyos nga  asawa ni Elvis Gutierrez nga si Alexandra Uichico-Gutierrez gumikan sa acute leukemia.  Si Elvis kay anak sa veteran stars nga sila si Annabelle Rama ug  Eddie Gutierrez.

 Ang igsoun ni Elvis nga si Ruffa maoy ni-post sa Instagram kalabot sa kamatayon ni Alexandra.

"I am still trying to process and accept that you are no longer with us. It's so hard... Words cannot express how heartbroken and shocked I am,"  suma pa ni Ruffa . Samtang sa Instagram account ni  Elvis , nag-post kini sa throwback photo nila ni  Alexandra .

BINI giabibahan sa LA

Gipakpakan og maayo ang pag-perform sa grupong BINI  sa KCON music festival didto sa  Crypto.com Arena sa  Los Angeles, California sa  niaging gabii. Gikanta nila ang ilang latest single nga  "Cherry on Top” atol sa  pre-show sa maong kalihokan.

 Ang ilang outfit  kay susama sa ilang gisul-ob sa music video sa maong awit.

Nagpasalamat si BINI  Mikha  sa  mga nagdumala sa maong music festival  ug dakong garbo alang nila nga mahimong kabahin sa KCON .

"We hope you guys can support our music by checking out our latest single 'Cherry on Top.And thank you so much KCON LA for inviting us. It's truly an honor to be here in front of everyone,” saysay pa ni Mikha.