Blackburn, inilabas ang ikalawang single na ‘runaway’
MANILA, Philippines — Pag-iibigang ipaglalaban ang ibinahagi ng dating Pinoy Big Brother Kumunity Season 10 housemate na si Rob Blackburn sa kanyang bagong awitin na Runaway.
Isinulat ni Blackburn ang romantic song tungkol sa lalaking handang itakas ang babaeng iniibig mula sa sapilitang pagpapakasal.
“This is one of my most passionate projects. You are all about to listen to what I like to call romantic emo,” saad ni Blackburn sa kanyang X (dating Twitter) post.
Ang Runaway ay iprinodyus ni StarPop label head Roque “Rox” Santos.
Unang nakilala si Blackburn nang sumali ito sa PBB kung saan hinirang siya bilang fourth big placer. Bumida rin siya iba’t ibang Pie Channel series tulad ng The Chosen One at Eat Pray Love. Nitong Mayo, inilunsad niya ang debut single na Biyernes ng Gabi sa ilalim ng StarPop.
Pakinggan ang bagong awitin ni Blackburn na Runaway na available sa iba’t ibang streaming platforms. Para sa ibang detalye, sundan ang StarPop sa Facebook, X (Twitter), Instagram at TikTok.
- Latest
