Lady Gaga ug Celine mi-perform sa Paris Olympics

Sila si  Lady Gaga ug Celine Dion maoy pipila sa mga ni-perform  sa pagbukas  sa  Paris Olympics  ug nakadawat kini og mga pagdayeg.

Lakip sa nihatag og song number mao ang French-Malian singer  nga si Aya Nakamura.

Ang maong hugyaw nga production number kay gimugna ni  French theatre director Thomas Jolly.

Mga positibong feedback alang sa maong kalihokan ang nanggawas gikan sa  global TV audience. -SJA

Liza gitubag na sa PEP

Niduso na sa ilang joint counter-affidavits a Quezon City Prosecutor's Office  niadtong Biyernes  ang  mga kadagkoan sa Philippine Entertainment Portal (PEP.ph) nga sila si Editor-in-Chief Jo-Ann Maglipon ug Deputy Managing Editor Rachelle Siazon.

Mao kini ang ilang tubag  ngadto sa kanhi pangulo sa  Film Development Council of the Philippines nga si Liza Dino-Seguerra nga nipasaka og  cyberlibel case ngadto sa nahisgotang  entertainment website  ug sa ubang personalidad gumikan kay matud pa nipagawas kini og istorya nga nakabuling sa iyang reputasyon.

Sa  official statement sa  legal counsel sa PEP nga si Atty. Ana Alexandra Castro sa  Yorac Sarmiento Arroyo Chua Coronel Reyes Law Firm, nga walay malisya  sa report sa maong website kalabot sa mga isyu nga naglamabigit sa FDCP ug sa kanhi chairperson niini.

Duna matud pa sila'y nakasuporta nga mga dokumento sa ilang report. -SJA

Birthday wish ni Sarah

Sa pagsaulog ni  Sarah Geronimo sa iyang birthday sa niaging adlaw, wish niya ang subling pagbangon sa mga tawo nga naapektohan sa bagyo."As I celebrate my birthday and blow out my candles, my heart also goes out to those affected by Typhoon Carina. Ipinagdarasal ko po lahat ng ating mga kababayang nasalanta ng bagyo at ngayon ay sinusubukang makabangon muli," Instagram post sa singer.

Legacy award

Nakadawat og Legacy Award ang Kapamilya singer ug  Mr. Pure Energy Gary Valenciano gikan sa PeopleAsia Magazine.  Nasayran nga upat  ka dekada na ang career ni  Gary.

Yugyeom mobalik sa nasud

Motikang og balik dinhi sa Pilipinas ang Korean singer ug miyembro sa GOT7 nga si Yugyeom. Aduna siya'y solo concert karong Nobyembre 3 . Kabahin kini sa iyang

"Trusty" concert tour.