Na-stranded og 17 oras
CEBU, Philippines — Na-stranded si Michael de Mesa og 17 ka oras samtang padulong na unta siya mopauli sa ilang balay tungod sa dakong pagsaka sa level sa tubig didto sa Cainta, Rizal niadtong Huwebes. Gikan si Michael sa taping niadtong higayona ug naatlan gyud siya sa kusog nga ulan nga maoy rason sa pagbaha sa nagkadaiyang dapit sa Luzon. "Stranded for 17 hours now coming from taping yesterday. Naiiyak na ko. The tow truck can't get through and my anxiety is kicking in. I just wanna go home,” Instagram post sa aktor.
Kumpirmadong nagbuwag
Gikumpirmar ni Paulina Sotto nga nagbuwag na sila sa iyang bana nga si Jed Llanes. Kahinumdoman nga naintriga ang iyang followers sa dihang nag-post siya sa Instagram nga "single mom" na siya.Si Paulina kay anak sa Eat Bulaga! host nga si Vic Sotto ug sa kanhi actress-model nga si Angela Luz.“To clear out any confusion, yes, we are separated.This is the last thing I ever wanted for our family, but there are things that cannot be undone.Very thankful for all the love and support,” suma pa ni Paulina.
Soud sa uyab ni Xyriel
Gibutyag ni Elijah Canlas nga bisan luyo sa kamera, soud na kaayo niya ang iyang leading lady sa High Street nga si Xyriel Manabat.Lakip sa iyang nasoud mao ang non-showbiz boyfriend ni Xyriel nga si Nathaniel Toledo.
Karla ug non-showbiz BF nagbuwag?
Niulbo ang hungihong nga matud pa nagbuwag na sila si Karla Estrada ug ang iyang non-showbiz boyfriend nga si Jam Ignacio human nabatyagan nga wala na sila naka-follow sa usag-usa sa Instagram.
Ang katapusang post ni Karla kalabot sa relasyon nila ni Jam kay sa niaging tuig pa. Nakapapas na pud sa account ni Jam sa Instagram ang mga hulagway nila ni Karla.
- Latest
