Marian, nadala ang palakang bag!

Nakeri ni Marian Rivera ang frog clutch bag.

Marami ngang na-curious kung ano ‘yung hawak na frog si Marian sa media conference ng Nekocee - the daily essential for a healthy lifestyle, ang kanyang bagong endorsement.

Kala nila, advice ‘yun ng Feng Shui.

Sa ilang kultura, ang encounter sa palaka ay pinaniniwalaang nagdadala ng suwerte at kasaganaan.

At akala nila ganun ‘yun. Pero clutch bag pala.

Keri talaga ni Marian kahit ganun lalo na at yellow ang color ng bagong endorsement niya. Green ang kulay ng frog clutch bag.

Kasi kung iba ang gumamit ng nasabing frog clutch, baka parang laruan ang dala.

Anyway, ipinasilip na nga ang official 30-seconder trailer ng Cinemalaya official entry na Balota kung saan makikita ang pagbabardagulan nina Sassa Girl at Esnyr. Maririnig din ang catchy music bilang campaign jingle na madalas na ginagamit ng mga pulitiko kapag nangangampanya. Ipinakita rin ang ilang eksena ni Kapuso Primetime Queen and Box Office Hero na nagwawala habang yakap ang balota.

Marami ang na-excite pang lalo dahil ibang-iba ito sa mga naunang ipinalabas na teasers kung saan nakita ang mabibigat na eksena ni Marian habang tumatakbo sa kagubatan dala-dala ang balota.

May touch of comedy man, alam mo pa ring may sense of reality ng seryosong usapan tungkol sa paghihirap ng mga guro na protektahan ang boto ng mga mamamayan.

Bago pa man ipakita ang trailer, marami na ang nagpahayag ng magagandang salita ukol sa pelikulang ito ni Marian.

Ito na raw ang magbibigay ng acting award sa actress.